રાજનીતિ / ગાંધીનગરમાં જીત તરફ પરંતુ ભાજપના મોટા નેતાના ગઢમાં જ કોંગ્રેસે ગાબડું પાડ્યું, સતત બીજી વખત જીત

• ફરી એકવાર કોંગ્રેસે 2 બેઠક ભાજપ પાસેથી આંચકી
• ભાજપના કુંવરજી બાવળીયાના ગઢમાં ગાબડું
• રાજકીય ગણગણાટ શરૂ

ગાંધીનગર મહાનગર પાલિકા સહિત રાજ્યની 31 જિ.પં., 81 ન.પા. અને 231 તા.પંના ચૂંટણી પરિણામ જાહેર થઇ રહ્યા છે. ત્યારે મહાનગર પાલિકા બાદ અન્ય પાલિકાઓમાં પણ ભાજપ આગળ છે. જો કે, પૂર્વ કેબિનેટ મંત્રી કુંવરજી બાવળિયા અને ભાજપના ઉપાધ્યક્ષ ભરત બોઘરાના ગઢમાં કોંગ્રેસે ફરી એકવખત ગાબડું પાડ્યું છે.

ફરીવાર પાછું પડ્યું ભાજપ 

જસદણની બે બેઠક સાણથલી અને શિવરાજપૂર બેઠક કોંગ્રેસ પાસેથી ફરી એકવખત ભાજપ આંચકી શક્યુ નહીં, જસદણ અને રાજકોટમાં પરાજયને લઈ ગણગણાટ શરૂ થયો છે. પ્રદેશ પ્રમુખ સી.આર.પાટીલને રજૂઆત કરી સંગઠનના આ અગ્રણીઓ સામે પગલા લેવાની એક જૂથ માંગ કરશે.

તો આ તરફ આજે ગાંધીનગર મનપાની ચૂંટણીની પણ યોજાઈ મતગણતરી 

ગાંધીનગર મનપાની ચૂંટણીના ચૂંટણી પરિણામનો આજે દિવસ છે ત્યારે 11 વોર્ડની 44 બેઠકોના 162 ઉમેદવારોના ભાવિના ફેસલાની ઘડીઑ ગણાઈ રહી છે. આજે સવારે 8 વાગ્યાથી મત ગણતરી શરૂ થશે. મહત્વનું છે કે સરેરાશ 57 ટકા જેટલું મતદાન નોંધાયું હતું, જેમાં પુરૂષ મતદારોએ 59.27 ટકા મતદાન કર્યું જ્યારે મહિલા મતદારાએ 53.02 ટકા મતદાન કર્યું હતું. ત્યારે ત્રિપાખિયા જંગમાં ભાજપ, કોંગ્રેસ અને AAP ના 44-44 ઉમેદવારો અને BSPના 6 અને NCPના 1 તેમજ 10 અપક્ષ ઉમેદવાર ચૂંટણી લડ્યા હતા. આજે મતપેટી ખૂલતાંની સાથે જ જનતા કોને ગાંધીનગર મનપાની ગાદી પર બેસાડવા માંગે છે તે જાહેર થશે.