પ્રચાર / રાજકીય પક્ષોએ તો હેરિટેજ સિટીની દિવાલોને પણ ચિતરી નાખી, અમદાવાદ શહેરમાં ચિહ્નોની ભરમાર

• અમદાવાદ શહેરમાં રાજકીય ચિહ્નોની ભરમાર
• રાજકીય પક્ષોએ દોર્યા ચિહ્નો
• પરવાનગી વગર ચૂંટણી ચિહ્નો દોર્યાની ચર્ચા 

અમદાવાદ શહેરને હેરિટેડ સિટીનો દરજ્જો મળ્યો છે. જે હેરિટેજ સિટીની દરજ્જો જાળવવામાં તંત્ર ઉણું ઉતરતું હોય તેવું લાગી રહ્યું છે. કારણ કે આ વર્ષના અંતમાં ગુજરાત વિધાનસભાની ચુંટણી આવી રહી છે ત્યારે હાલ અમદાવાદ શહેરની સરકારી કે ખાનગી કોઇપણ મિલકતની દિવાલ જોશો તો રાજકીય પક્ષોના ચૂંટણી ચિહ્નો દોરેલા નજરે ચઢશે. રાજકીય પક્ષોએ નિશાનથી દીવાલો ચિતરી દીધી  હોવાથી હાલ શહેરની શોભાને ઝાંખપ લાગી રહી છે. સ્માર્ટ સિટી અમદાવાદ...હેરિટેજ સિટી અમદાવાદ... એક સમયનું માન્ચેસ્ટર ગણાતું અમદાવાદ... અમદાવાદ શહેરના અનેક હુલામણા નામો છે. આ નામોમાં હવે વધુ એક નામ ઉમેરાઇ રહ્યું છે. દિવાલો પર ચિત્રનું શહેર એટલે અમદાવાદ. અમદાવાદ શહેરની દિવાલો પર હાલ માત્ર પક્ષોના ચૂંટણી ચિહ્નો દેખાઇ રહ્યા છે. 

અમદાવાદ શહેરની દિવાલો પર પોતાના ચૂંટણી ચિહ્ન દોરવામાં 
અમદાવાદમાં જ્યા જુઓ ત્યાં રાજકીય પાર્ટીના ચૂંટણી ચિહ્નો દેખાઇ રહ્યા છે. ભાજપ, વિરોધ પક્ષ કોંગ્રેસ અને આમ આદમી પાર્ટીના ચિહ્નો દેખાઇ રહ્યા છે. આ ત્રણેય પક્ષો દ્વારા અમદાવાદ શહેરની દિવાલો પર પોતાના ચૂંટણી ચિહ્ન દોરવામાં આવ્યા છે. માત્ર અમદાવાદ જ નહીં પરંતુ ગુજરાત તમામ શહેરોમાં આવા ચિત્રો જોવા મળે છે.આ ચિત્રો માત્ર ખાનગી દિવાલો પર નથી.આ ચિત્રો અમદાવાદ મનપાની મિલકતો પર પણ ચીતરી દેવામાં આવ્યા છે.શું આવા ચિત્રો દોરતાં પહેલા રાજકીય પક્ષોએ કોઇ પરવાનગી લીધી છે કે કેમ? તે સૌથી મોટો પ્રશ્ન થઇ રહ્યો છે. 

ચિહ્નો દોરતા પક્ષો પાસેથી ભાડુ વસૂલાશે?
ભાજપ દ્વારા આ ચિત્રો દોરવાની શરૂઆત કરવામાં આવી હતી. ભાજપના પ્રવક્તા દ્વારા દોરવામાં આવેલા ચૂંટણી ચિહ્નોને પરવાનગી અને ફી ચૂકવણી તો દૂર પરંતુ ભાજપના કાર્યકરોની કામગીરીનો ભાગ ગણાવી દીધો હતો. જ્યાંરે કોંગ્રેસના પ્રવક્તાએ તો સીધો દોષનો ટોપલો ભાજપ પર ઢોળી દીધો હતો. તેમના મતે દિવાલો વર્ષોથી પ્રચારનું માધ્યમ છે. વધુમાં આમ આદમી પાર્ટીએ પણ અમદાવાદની દિવાલો પર ચિત્રો દોર્યા છે. તેમનો સંપર્ક કરતા તેમણે જણાવ્યુ હતું કે અમારી પાર્ટી વધુ ખર્ચ ન કરી શકે તેથી અમે દિવાલો પર ચિત્રો દોર્યા છે.