નેશનલ / કોંગ્રેસનું જાતિ આધારિત વસ્તી ગણતરી પર કેન્દ્ર સરકારને સમર્થન, રાહુલ ગાંધીએ ઉઠાવી આ 4 માગ

Rahul Gandhi : કેન્દ્ર સરકારે દેશમાં જાતિગત વસ્તી ગણતરી કરાવવાની જાહેરાત કરી છે. વસ્તી ગણતરી સાથે જ તેને કરાવવાનો નિર્ણય લેવામાં આવ્યો છે. આ જાહેરાત પછી કોંગ્રેસ નેતા રાહુલ ગાંધીએ મંગળવારે એક મહત્વપૂર્ણ પ્રેસ કોન્ફરન્સ યોજી હતી અને સરકારના નિર્ણયનું સ્વાગત કર્યું હતું. જોકે તેમણે સરકાર સમક્ષ કેટલીક મહત્વપૂર્ણ માંગણીઓ પણ મૂકી હતી.

રાહુલ ગાંધીએ કહ્યું, "અમે સંસદમાં સ્પષ્ટપણે કહ્યું હતું કે અમે જાતિગત વસ્તી ગણતરી કરાવીશું અને 50 ટકા અનામતની મર્યાદા નાબૂદ કરીશું. હવે જ્યારે કેન્દ્ર સરકારે જાતિગત વસ્તી ગણતરી કરાવવાની જાહેરાત કરી છે, ત્યારે અમે તેનું સમર્થન કરીએ છીએ. પરંતુ અમે એ પણ જાણવા માંગીએ છીએ કે આ વસ્તી ગણતરી ક્યારે થશે." તેમણે વધુમાં કહ્યું, "અમે મોદીજી સાથે સહમત છીએ કે દેશમાં ફક્ત ચાર જાતિઓ છે. (ગરીબ, મધ્યમ વર્ગ, શ્રીમંત અને ખૂબ જ શ્રીમંત), પરંતુ આ ચાર જાતિઓમાં કોઈ ક્યાં છે તે જાણવા માટે જાતિનો ડેટા જરૂરી છે. જાતિ વસ્તી ગણતરી એ પહેલું પગલું છે, પરંતુ આપણે તેનાથી પણ આગળ વધવું પડશે."

કોંગ્રેસની ચાર મુખ્ય માંગણીઓ

કોંગ્રેસની ચાર મુખ્ય માંગણીઓ

-કેન્દ્ર સરકારે શક્ય તેટલી વહેલી તકે તેની સમયરેખા જાહેર કરવી જોઈએ: રાહુલ ગાંધીએ કહ્યું કે સરકારે સ્પષ્ટ કરવું જોઈએ કે વસ્તી ગણતરી ક્યારે અને કેવી રીતે હાથ ધરવામાં આવશે.

-તેલંગાણા મોડેલ અપનાવવાની સલાહ: તેમણે સૂચન કર્યું કે કેન્દ્ર સરકારે તેલંગાણા સરકારની જેમ ઝડપી, પારદર્શક અને સમાવિષ્ટ જાતિ સર્વેક્ષણ મોડેલ અપનાવવું જોઈએ.

-50% અનામત મર્યાદા ફરીથી દૂર કરવાની હિમાયત: રાહુલ ગાંધીએ દોહરાવ્યુ કે જાતિના ડેટાના આધારે 50 ટકા અનામતની વર્તમાન બંધારણીય મર્યાદા દૂર કરવી જરૂરી રહેશે જેથી સમાન હિસ્સો સુનિશ્ચિત થઈ શકે.

-ખાનગી શૈક્ષણિક સંસ્થાઓમાં અનામત લાગુ કરવી જોઈએ: રાહુલ ગાંધીએ કહ્યું કે સરકારી સંસ્થાઓની જેમ ખાનગી સંસ્થાઓમાં પણ અનામત લાગુ કરવી જોઈએ. સામાજિક ન્યાય ફક્ત સરકારી નોકરીઓ પૂરતો મર્યાદિત ન હોવો જોઈએ, પરંતુ ખાનગી ક્ષેત્રમાં પણ સમાન તકો સુનિશ્ચિત કરવી જોઈએ.

સરકાર તરફથી સહયોગનો પ્રસ્તાવ

રાહુલ ગાંધીએ કહ્યું કે કોંગ્રેસ પાર્ટી જાતિ વસ્તી ગણતરી ડિઝાઇન કરવામાં સરકારને સંપૂર્ણ મદદ કરશે. તેમણે કહ્યું, "આ અમારું વિઝન હતું અને અમે તેને સમર્થન આપીએ છીએ. અમે સરકાર પર પૂરતું દબાણ કર્યું છે જેથી તે પગલાં લે. 11 વર્ષ પછી કેન્દ્ર સરકારે અચાનક જાતિ વસ્તી ગણતરીની જાહેરાત કરી છે. આ સામાજિક ન્યાય તરફનું પહેલું પગલું છે. સામાજિક ન્યાય માટે કામ કરતા દરેક કોંગ્રેસ કાર્યકર્તા અને કાર્યકરો અભિનંદનને પાત્ર છે. મને તેમના પર ગર્વ છે."

આ પણ વાંચોઃ 'યુદ્ધ કોઈ સમસ્યાનો ઉકેલ નથી, અમે...', જમ્મુ-કાશ્મીરના મંત્રીએ આપ્યું મોટું નિવેદન

તેલંગાણાના સીએમ રેવંત રેડ્ડીએ ટ્વિટ કર્યું

તેલંગાણાના સીએમ રેવંત રેડ્ડીએ ટ્વિટ કર્યું, "રાહુલ ગાંધીના વિઝન અને દિશાના આધારે જેમણે તેમની ઐતિહાસિક #BharatJodoYatra દરમિયાન પ્રથમ રાષ્ટ્રવ્યાપી જાતિ વસ્તી ગણતરીની માંગ કરી હતી, તેલંગાણા ગયા વર્ષે જાતિ સર્વેક્ષણ કરનાર પ્રથમ રાજ્ય છે.
બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ