સોશ્યલ મીડિયામાં એક વીડિયો ખૂબ જ વાયરલ થઈ રહ્યો છે જેમા કેટલાક યુવાનો ગુજરાત પોલીસની કારમાંથી ઉતરે છે અને તે બાદ કોઈ મંદિરનાં પરિસરમાં જ સ્ટંટ કરે છે.
બીલીમોરા પોલીસકર્મીના સ્ટંટ મામલે કાર્યવાહી
સ્ટંટનો વીડિયોમાં પોલીસકારનો કર્યો ઉપયોગ
જિલ્લા પોલીસ વડાએ 3 પોલીસકર્મીને કર્યા સસ્પેન્ડ
પોલીસકારનો ગેરકાયદે ઉપયોગ કરી બનાવાયો વીડિયો
ગુજરાત અને દેશભરમાં અત્યારે સોશ્યલ મીડિયાનો ક્રેઝ દિવસેને દિવસે વધતો જઈ રહ્યો છે. લોકો પોતાના વીડિયોમાં લાઇક અને શેર વધારવા માટે જાત જાતના અને ભાતભાતનાં નિતનવા ગતકડા કરી રહ્યા છે. એમાંય રોફ જમાવવા માટે હવે પોલીસકર્મીઓ પણ સોશ્યલ મીડિયામાં મેદાનમાં આવી ગયા છે. આવો જ એક કેસ બીલીમોરામાંથી સામે આવ્યો છે જે બાદ ત્રણ પોલીસ જવાન તથા અન્ય યુવકો સામે કાર્યવાહી કરવામાં આવી છે.
વીડિયો બનાવનાર ગૌરાંગ પટેલ સહિત 4 યુવાનોની અટકાયત
સોશ્યલ મીડિયામાં એક વીડિયો ખૂબ જ વાયરલ થઈ રહ્યો છે જેમા કેટલાક યુવાનો ગુજરાત પોલીસની કારમાંથી ઉતરે છે અને તે બાદ કોઈ મંદિરનાં પરિસરમાં જ સ્ટંટ કરે છે, તપાસ બાદ સામે આવ્યું કે આ વીડિયો બનાવવામાં પોલીસ કર્મીઓની પણ મિલીભગત હતી. જોકે આ યુવકોને વીડિયો બનાવવો હવે ભારે પડી રહ્યો છે. બીલીમોરા પોલીસ દ્વારા કડક કાર્યવાહી કરવામાં આવી છે.
3 જવાનો સસ્પેન્ડ અને યુવકોની કરાઇ અટકાયત
બીલીમોરા પોલીસ સ્ટેશનની કારમાં વીડિયો બનાવવા મામલે કાર્યવાહી કરાઇ છે. પોલીસકારનો ગેરકાયદે ઉપયોગ કરી વીડિયો બનાવનારા પોલીસકર્મીઓને સસ્પેન્ડ કરાયા છે. જિલ્લા પોલીસ વડાએ વીડિયોને લઇ ફરજમાં બેદરકારી બદલ 3 પોલીસ જવાનને સસ્પેન્ડ કર્યા છે. અને વીડિયો બનાવનાર 4 યુવાનોની પણ અટકાયત કરાઇ છે. યુવકોની ધરપકડ કરી આઇટી એક્ટ મુજબ ગુનો નોંધાયો છે. હિરેન પટેલ, ધર્મેશ પાટીલ અને પવન ભોયાને સસ્પેન્ડ કરાયા છે. જ્યારે વીડિયો બનાવનાર ગૌરાંગ પટેલ સહિત 4 યુવાનોની અટકાયત કરાઇ છે. પોલીસકર્મીઓએ પોલીસકારનો ઉપયોગ કરી બીલીમોરાના મહાદેવ મંદિરના પરિસરમાં વીડિયો બનાવ્યો હતો.