ગોંડલમાં બાહુબલી આરોપીઓ સાથે પોલીસકર્મીઓએ સેલ્ફી લીધી હતી. ભીમા દુલા સાથે પોલીસકર્મીઓ સેલ્ફી લઈ રહેલા હોવાનો વીડિયો સોશિયલ મીડિયામાં વાયરલ થયો છે.
ગોંડલની સબજેલમાંથી નિકળી રહેલા આરોપી સાથે પોલીસકર્મીઓએ સેલ્ફી લેતા અનેક સવાલ ઉઠ્યા. આદિત્યાણા મર્ડર કેસમાં ભીમા દુલા જેલમાં બંધ હતો. ગુજરાત હાઈકોર્ટે ભીમાદુલાને આજીવન કેદની સજા સંભળાવી છે. ત્યારે હવે સુપ્રીમ કોર્ટે આરોપી ભીમા દુલાને જામીન મંજૂર કર્યા છે. ભીમાદુલા જેલમાંથી નિકળી રહ્યો હતો ત્યારે પોલીસકર્મીઓની સેલ્ફીથી ઘેલછાથી અનેક ચર્ચા છે.
ત્યારે સવાલ થાય છે કે બાહુબલી સાથે પોલીસની સેલ્ફી કેટલી યોગ્ય? શું ભીમા દુલા કોઈ સ્ટાર છે? પોલીસ ક્યારથી ગુનેગારો સાથે સેલ્ફી લેતી થઈ ગઈ? આવી સેલ્ફીથી પોલીસ પર જનતાને વિશ્વાસ થશે? બાહુબલી સાથેની આ સેલ્ફીથી જનતા કેવી રીતે પોલીસ પર ભરોસો કરશે?