રાજકોટમાં PUBG ગેમ રમતા લોકો પર પોલીસનો સપાટો, તમે પણ રમતાં હોવ તો ચેતી જજો

રાજકોટમાં પબજી ગેમ પર પ્રતિબંધ લગાવવામાં આવ્યો હોવા છતાં ઘણા યુવાનો આ ગેમ રમી રહ્યા છે. જો કે હવે પોલીસ કડક બનતા ગેમ રમતા 19 લોકો સામે કેસ દાખલ કર્યા છે. પોલીસે ગેમ રમતા 19 લોકોની ધરપકડ કરી છે. તેની સાથે જ પોલીસે શહેરીજનોને પબજી ગેમ ન રમવા માટે પણ અપીલ કરી છે.



આ ઉપરાંત રાજકોટ પોલીસે ગુગલને એક પત્ર પણ લખ્યો છે. ગુજરાતના આઈપી પરથી આ ગેમ ડાઉનલોડ બંધ કરવા માટે ગુગલને રાજકોટ પોલીસે અપીલ કરી છે. ઉલ્લેખનીય છે કે પબજી ગેમને લઇને અમદાવાદ પોલીસે પણ ગાઇડલાઇ જાહેર કરી છે. પોલીસે પબજી ગેમથી છૂટકારો મેળવવા શું કરવું તેની ગાઇડલાઇન જાહેર કરી છે.



પબજી ગેમ શું છે અને તેનાથી શું નુકસાન છે તેના પર ટ્વિટ કર્યું. જ્યારે ગાંધીનગરમાં પણ પબજી ગેમ પર પ્રતિબંધ લગાવામાં આવ્યો છે. જ્યારે સાબરકાંઠામાં પણ જીવલેણ બની ગયેલ મોબાઇલ ગેમ્સ પર  પ્રતિબંધ લગાવવામાં આવ્યો છે. 



આમ પબજી ગેમતી લોકોના વર્તન, વાણી, વ્યવહાર અને વિકાસમાં ભારે અસર પડે છે. ખાસ કરીને  બાળકો તેમજ યુવાનોને પબજી ગેમનું ઘેલું લાગ્યું છે ત્યારે આ રમત નુકસાનકર્તા હોવાથી આ ગેમ પર પ્રતિબંધ મુકવામાં આવે છે. જો કે તેમ છતાં આ અગાઉ રાજકોટ પોલીસે છ યુવકોને ગેમ રમતા ઝડપી પાડ્યા હતા.

આમ દેશમાં પબજી અને મોમો ગેમની ચેલેન્જના કારણે બાળકો અને યુવાનોમાં હિંસક વૃત્તિનું પ્રમાણ વધતું જોવા મળ્યું હતું. જેને લઇને આ ગેમ પર પ્રતિબંધ મુકવામાં આવી રહ્યો છે. ઉલ્લેખનીય છે કે વડોદરા, સુરત, રાજકોટ અને અમદાવાદમાં પ્રતિબંધ મુકવામાં આવ્યો છે.