સુરતના વરાછાના માનગઢ પાસે મહીલા પોલીસ કર્મી સુનીતા યાદવ સાથે કુમાર કાનાણીના પુત્રની બબાલની ઘટના સામે આવી હતી. આ મામલે ઓડીયો અને વીડિયો વાયરલ થયો હતો. રાત્રી કર્ફ્યુ લાગુ દરમિયાન ધારાસભ્યના દિકરાના મિત્રો બહાર નિકળ્યા હતા. ત્યારે મહિલા કોન્સ્ટેબલે કાર રોકતા બબાલ થઈ હતી. મિત્રોને અટકાવતા પ્રકાશ કાનાણી ઘટનાસ્થળે પહોંચ્યા હતા. આ દરમિયાન પ્રકાશ કાનાણી અને મહિલા કોન્સ્ટેબલ વચ્ચે બબાલ થઇ હતી. આ બબાલ બાદ ગત મોડી રાત્રે કોન્સ્ટેબલ સુનિતાએ પોતાના નોકરીમાંથી રાજીનામું ધરી દીધી હતું.
સુરતમાં મહિલા કોન્સ્ટેબલ સાથે કુમાર કાનાણીના દિકરાના અભદ્ર વર્તનનો મામલો
આ ઘટના બાદ મહિલા પોલીસ કર્મીએ રાજીનામું આપી દીધું
પ્રકાશ કાનાણીના મિત્રો અને મહિલા કોન્સ્ટેબલની બબાલનો વીડિયો સામે આવ્યો
ઓડિયો ક્લીપ વાયરલ થયા બાદ મામલો ગરમાતા ઉચ્ચ પોલીસ અધિકારીઓ સુધી વાત પહોંચી છે. ઉચ્ચ અધિકારીઓએ મહિલા પોલીસકર્મીને ઘરે જવાના આદેશ આપ્યા હતા. ઉચ્ચ પોલીસ અધિકારીઓએ મહિલાકર્મીને તાબડતોડ ઘરે મોકલ્યા હતા. આ ઘટના બાદ મહિલા પોલીસ કર્મીએ રાજીનામું આપી દીધું હતું.
હવે મુખ્યમંત્રીએ કુમાર કાનાણીને આપ્યો ઠપકો
આ મામલે કુમાર કાનાણીને મુખ્યમંત્રીએ પણ ઠપકો આપ્યો હતો. કુમાર કાનાણીના પુત્ર દ્વારા કરવામાં આવેલા વર્તન બદલ ઠપકો આપ્યો હોવાનું સૂત્રો દ્વારા જાણવા મળી રહ્યું છે.
સોશિયલ મીડિયામાં #I support sunita yadavના નામે ટ્રેન્ડ
સુનિતા યાદવે મંત્રીના પુત્ર અને અધિકારીઓની વાત ના સ્વિકારી અને પોલીસની નોકરીમાંથી રાજીનામું આપી દેવાની ચર્ચા થઇ રહી છે. જેને લઇને હવે સોશિયલ મીડિયામાં #I support sunita yadavના નામે ટ્રેન્ડ શરૂ થયો છે.
ગુનેગાર સામે કરાશે કાર્યવાહી
આ ઘટનામાં બબાલ થયા બાદ સુરતના પોલીસ કમિશનર દ્વારા તપાસના આદેશ આપવામાં આવ્યા છે. સમગ્ર મામલે ACP તપાસ કરશે. પોલીસ કમિશનર દ્વારા વિવાદનો ફણગો ફૂટતા હવે એસીપી સીકે પટેલને તપાસ સોંપવામાં આવી છે. હાલ આ મામલે કેતન કાનાણી અને મહીલા પોલીસ કર્મીની ફરીયાદ લેવામાં આવી છે. આ મામલે તપાસ કરીને જે ગુનેગાર હશે તેની સામે કડક કાર્યવાહી કરવાની સુરતના ACPએ બાંહેધરી આપી છે.
પ્રધાનમંત્રી નરેન્દ્ર મોદીનો પણ પુત્ર હોય તો હું તેને રોકતીઃ મહિલા પોલીસકર્મી
MLA લખેલી કારને રાત્રે સાડા 10 વાગ્યા બાદ કુમાર કાનાણીનો પુત્ર નીકળ્યો હતો. રાત્રે 10 વાગ્યા બાદ લૉકડાઉનનું કડક અમલ કરાવવા ગૃહ મંત્રાલય દ્વારા કહેવામાં આવ્યું છે. જે ઓડિયોક્લીપ સામે આવી તેમાં મહિલા પોલીસકર્મી ગુસ્સો જોવા મળી રહ્યા છે. પોતાની ડ્યૂટીનું પાલન કરતા આ મહિલા પોલીસકર્મી કહી રહ્યા છે કે પ્રધાનમંત્રી નરેન્દ્ર મોદીનો પણ પુત્ર હોય તો હું તેને રોકતી. ઓડિયો ક્લીપમાં બેફામ વાણી વિલાસ થઈ રહ્યો છે.