ખુલાસો / મહિલા કોન્સ્ટેબલને સસ્પેન્ડ કરનાર DySP મંજીતા વણઝારાનો જ TIKTOK વીડિયો થયો વાયરલ

હાલના સમયમાં ટિકટોકના વીડિયો ધુમ મચાવી રહ્યા છે. ત્યારે હવે પોલીકર્મીઓમાં પણ ટિકટોકનો નશો જોવા મળ્યો છે. ત્યારે મહેસાણા જિલ્લાના લાંઘણજ પોલીસ સ્ટેશનની મહિલા કોન્સ્ટેબલ અર્પિતા ચૌધરીએ પોલીસ સ્ટેશનમાં ફરજ દરમિયાન ટિકટોક વીડિયો બનાવ્યો તો તેને સસ્પેન્ડ કરી દેવામાં આવી હતી. એટલું જ નહીં, બુધવારે સાંજે મહેસાણા જિલ્લા પોલીસવડાએ અર્પિતાના ગેરશિસ્ત અને નૈતિકતાના મુદ્દે સસ્પેન્ડ કરી દીધી હતી. આ સમગ્ર કેસની તપાસ ડીવાયએસપી મંજીતા વણઝારાને સોંપવામાં આવી છે. જો કે, આશ્ચર્યની વાત એ છે કે હવે ખુદ તપાસ અધિકારી મંજીતા વણઝારાનો જ ટિકટોક પરનો વીડિયો બહાર આવ્યો છે. 

અલબત્ત આ વીડિયો તેમણે ફરજ પર કે વર્દી પહેરીને નથી બનાવ્યો, પરંતુ ટિકટોક વીડિયો જરૂર છે. ડીવાયએસપી મંજીતા વણઝારાએ એક પંજાબી ગીત પર પોતાનો ટિકટોક વીડિયો બનાવ્યો છે. આ ગીતમાં તેઓ ડાન્સ નથી કરી રહ્યા પરંતુ હાથ વડે ડાન્સની છટા દર્શાવી રહ્યા છે.

આશ્ચર્યની વાત એ છે કે, જેમને અન્ય પોલીસકર્મી દ્વારા ટિકટોક પર ડાન્સનો વીડિયો મૂકવાના પ્રકરણમાં તપાસ સોંપાઈ છે તે ડીવાયએસપી મંજીતા વણઝારાનો જ હવે ટિકટોક પર વીડિયો ફરતો થયો હતો.

મંજીતા વણજારાએ કર્યો ખુલાસો

ટિકટોકમાં વાઇરલ વીડિયો મુદ્દે મંજીતા વણજારાનો ખુલાસો કર્યો હતો. તેમણે કહ્યું હતું કે, ઓફિસ ડ્યુટી સિવાયના સમયે વીડિયો ઉતાર્યો હતો. પારીવારીક વીડિયોને એક મિત્રએ ટિકટોક પર શેર કર્યો હતો. ડીવાયએસપી મંજીતા વણઝારાનો વીડિયો વાયરલ થયો હતો.

DySP મંજીતા વણઝારાએ મહિલા કોન્સ્ટેબલને કરી હતી સસ્પેન્ડ

મહેસાણાની પોલીસકર્મીનો પણ વીડિયો વાયરલ થયો હતો. મહિલા કોન્સ્ટેબલ અર્પિતા ચૌધરીનો વીડિયો સોશિયલ મીડિયામાં વાયરલ થયો હતો. જેમાં મહિલા પોલીસ કોન્સ્ટેબલે પોલીસ સ્ટેશનમાં એક ગીત પર વીડિયો બનાવ્યો હતો. મહિલા કોન્સ્ટેબલ અર્પિતા ચૌધરી લાઘણજ પોલીસ સ્ટેશનમાં ફરજ બજાવતા હતા. જો કે, વાયરલ વીડિયોની જાણ થતા DySP મંજીતા વણઝારાએ ટિકટોક પર વીડિયો બનાવનાર મહિલા કોન્સ્ટેબલ અર્પિતા ચૌધરીને સસ્પેન્ડ કરી હતી.