વિવાદ / નશામાં હતો એવું કહી દેજે... નૂપુર શર્માને ધમકી આપનારા અજમેરનાં સલમાન ચીશ્તીને સમજાવતી પોલીસનો VIDEO વાયરલ

• અજમેરમાં નૂપુર શર્મા વિશે નિવેદન આપતા દરગાહના ખાદિમની ધરપકડ 
• પોલીસ ખાદિમને સમજાવતી હોય તેવો વિડીયો વાયરલ 
• ખાદિમને સમજાવનાર પોલીસ કર્મચારી સામે કાર્યવાહી 

નૂપુર શર્માના વિવાદિત નિવેદન બાદ દેશમાં ભારે રોષ જોવા મળી રહ્યો છે. આ તરફ હવે નુપુર શર્માને ધમકી આપવા બદલ ધરપકડ કરાયેલ રાજસ્થાનના અજમેરમાં દરગાહના ખાદિમનો એક વીડિયો વાયરલ થઈ રહ્યો છે. જેમાં તે પોલીસની કસ્ટડીમાં જોવા મળી રહ્યો છે. જોકે, પોલીસ તેને સમજાવતી હોય તેવું લાગી રહ્યું છે કે, તું નશામાં હતો, જેથી તને બચાવી શકાય. જેને લઈ હવે ખાદિમને સમજાવનાર પોલીસ કર્મચારી સામે કાર્યવાહી થઈ હોવાનું સામે આવ્યું છે. 

શું હતી સમગ્ર ઘટના ? 

હકીકતે અજમેરના સૂફી સંત ખ્વાજા મોઇનુદ્દીન હસન ચિશ્તીની દરગાહના ખાદિમ સલમાન ચિશ્તીએ નૂપુર શર્મા વિશે વિવાદિત નિવેદન આપ્યું હતું. તેનો વીડિયો વાયરલ થયો હતો. જેમાં સલમાન ચિશ્તીએ નુપુર શર્માનું ગળું લાવનારને ઈનામ આપવાની જાહેરાત કરી હતી. જોકે, વીડિયો વાયરલ થયા બાદ પોલીસે સલમાન ચિશ્તીની ધરપકડ કરી હતી. આ તરફ હવે સલમાન ચિશ્તીનો એક નવો વીડિયો સામે આવ્યો છે. ત્યારથી અજમેર પોલીસ શંકાના દાયરામાં આવી ગઈ છે. 

ડીએસપી સંદીપ સારસ્વત સામે કાર્યવાહી 

આ વીડિયોમાં પોલીસ સલમાન ચિશ્તીને સમજાવતી જોવા મળી રહી છે. પોલીસે ચિશ્તીને કહ્યું હતું કે, "તું નશામાં હતો જેથી તારો બચાવ થાય." વીડિયો વાયરલ થયા બાદ વહીવટી તંત્ર હરકતમાં આવ્યું હતું. આ પછી દરગાહના ડીએસપી સંદીપ સારસ્વત સામે પગલાં લેવામાં આવ્યા છે. આ વીડિયોમાં સંદીપ સારસ્વત સલમાનને સમજાવતો જોવા મળ્યો હતો.

In this video, Ashok Gehlot’s police is seen tutoring Salman Chishti, who called for Nupur Sharma’s beheading, to claim that he made the statement in an inebriated condition, so that he can be saved. Do #HinduLivesMatter in Congress rule? RJ police could have averted Udaipur too. pic.twitter.com/a33zZxIYgn

— Amit Malviya (@amitmalviya) July 6, 2022

બીજેપી નેતા અમિત માલવિયાના સરકાર પર પ્રહાર 

બીજેપી નેતા અમિત માલવિયાએ ટ્વીટ કરીને કહ્યું કે, આ વીડિયોમાં અશોક ગેહલોતની પોલીસે સલમાન ચિશ્તીને નૂપુર શર્માનો શિરચ્છેદ કરવાનો વીડિયો જાહેર કરવા પર એવું શિખવાડ્યું કે,  તેણે નશાની હાલતમાં નિવેદન આપ્યું હતું. શું કોંગ્રેસના શાસનમાં હિંદુ જીવન મહત્વનું છે? રાજસ્થાન પોલીસ ઉદયપુરની ઘટનાને પણ ટાળી શકી હોત.

સલમાન વિરુદ્ધ હત્યાનો કેસ સહિત 13 કેસ છે

એડિશનલ એસપી વિકાસ સાંગવાને જણાવ્યું હતું કે, સલમાન ચિશ્તીએ નૂપુર શર્માને લઈને વાંધાજનક અને ભ્રામક નિવેદનનો વીડિયો વાયરલ કર્યો હતો. આ કેસમાં તેની ધરપકડ કરવામાં આવી છે. પોલીસે એ પણ જણાવ્યું છે કે, સલમાન પહેલાથી જ ગુનાહિત ઇતિહાસ ધરાવે છે. તેની સામે અલગ-અલગ પોલીસ સ્ટેશનમાં 13 ગુના નોંધાયેલા છે. જેમાં હત્યાના કેસોનો પણ સમાવેશ થાય છે. એક કેસમાં આરોપીને સજા પણ થઈ છે