ડ્રોન સ્ક્વોડ / અમદાવાદના સિંધુભવન રોડ પર ડ્રોનથી નજર રાખશે પોલીસ: ડ્રગ્સ પકડવા ગૃહરાજ્યમંત્રી સંઘવીએ આપી સૂચના

• અમદાવાદ પોલીસે ડ્રોન સ્ક્વૉડ બનાવી
• સિન્ધુભવન રોડ પર ડ્રોનથી રખાશે નજર
• ડ્રગ્સને કારણે પણ ડ્રોન વોચ રખાશે 

ગુજરાતને નશાખોરીનું હબ બનતા રોકવા માટે ગુજરાત પોલીસ દ્વારા અનેડ ડ્રગ્સ પેડલરોને પકડીને જેલ હવાલે કર્યા છે. ક્રાઈમ બ્રાન્ચ, ગુજરાત પોલીસ તેમજ એટીએસ દ્વારા ગુજરાતમાંથી ડ્રગ્સના દુષણને નેસ્ત નાબુદ કરવા માટેનુ અભિયાન હાથ ધર્યું છે. ત્યારે પોલીસે સુરત, અમદાવાદ, કંડલા, રાજકોટમાંથી મોટા પ્રમાણમાં  ડ્રગ્સ પેડલરોને ઝડપી પાડી તેઓને જેલ હવાલે કર્યા છે.  ત્યારે અમદાવાદ પોલીસે ડ્રોન સ્ક્વોડ બનાવી છે જે ડ્રગ્સ પેડલરો પર બાજ નજર  રાખશે.

પોલીસ કર્મીઓ દ્વારા સ્વખર્ચે ડ્રોન ઉડાડવાની તાલીમ લીધી
અમદાવાદ પોલીસે ડ્રગ્સ માફીયાઓ પર નજર રાખવા માટે ડ્રગ્સ સ્કવોડ બનાવી છે.  ત્યારે અમદાવાદ પોલીસ હવે ડ્રોનથી નજર રાખશે. ગૃહમંત્રીએ ડ્રોનને લઈને સૂચના પણ આપી દીધી છે. અમદાવાદના બે પોલીસ કર્મીઓ દ્વારા સ્વખર્ચે રક્ષા શક્તિ યુનિવર્સિટીમાંથી તાલીમ લીધી છે.  તેમજ હવે તેઓ દરેક પોલીસ સ્ટેશનના કર્મચારીઓને ડ્રોન તાલીમ આપશે. આગામી સમયમાં સિન્ધુ ભવન રોડ પર ડ્રોનથી નજર રાખવામાં આવનાર છે. ત્યારે ડ્રગ્સ પેડલરો પર ડ્રોન મારફતે વોચ રાખવામાં આવશે.

ડ્રગ્સ પેડલરો પર ડ્રોન કેમેરાથી બાજ નજર રહેશેઃપોલીસ કમિશ્નર સંજય શ્રીવાસ્તવ
આ બાબતે અમદાવાદ પોલીસ કમિશ્નર સંજય શ્રીવાસ્તવે જણાવ્યું હતું કે પીસીબીના અમારા બે કર્મચારીઓ છે. જેઓએ સ્વખર્ચે તાલીમ લીધી છે.  રક્ષા શક્તિ યુનિવર્સિટી દ્વારા જે તાલીમ લેવામાં આવી છે તે આરટીજીસીએ એપ્રુવડ છે. ત્યારે હવે આ લોકો સર્ટીફાઈડ પાયલટ છે અને આ લોકો તાલીમ પણ આપી શકશે.  પોલીસમાં સર્ટીફાઈડ પાયલટ મળવાની સંભાવના ખૂબ ઓછી છે.  ત્યારે અમે ડ્રોન કેમેરાથી તમામ ઉપર નજર રાખી શકીએ. ડ્રગ્સ પેડલરો પર પણ હવે અમે ડ્રોન કેમેરાથી નજર રાખીશું.