રાજકોટની હોટલ ઇમ્પિરિયલ પેલેસમાં અશ્લીલ ડાન્સ કાંડ મામલે તપાસનો ધમધમાટ શરૂ થઇ ગયો છે.DCP મનોહરસિંહ જાડેજાએ વાયરલ વીડિયો મામલે નિવેદન આપતા કહ્યું છે કે કાલે જે વીડિયો વાયરલ થયો તેની વિગતો મળી, એ ડિવિઝન પોલીસના જાણવા જોગ દાખલ થઈ, એ ડિવિઝન અને ક્રાઇમ બ્રાન્ચ તપાસ કરે છે
ત્રણ બાબતે તપાસ
ડાન્સ પાર્ટીમાં કોણ કોણ હાજર હતું?
વીડિયોનો સોર્સ શોધવાના પ્રયાસ તેજ
ઇમ્પિરિયલ હોટલમાં તપાસ
આજનો જે વિડીયો નવો આવ્યો છે જે સાચો નથી: DCP મનોહરસિંહ જાડેજા
ગઈકાલે અશ્લીલ ડાન્સના વાયરલ થયેલા વીડીયો બાદ આજે પણ એક વીડિયો વાયરલ થઈ રહ્યો છે જે બાબતે DCP મનોહરસિંહ જાડેજાએ કહ્યું હતું કે બે વિડીયો વાઇરલ થયા છે, આજનો જે વિડીયો નવો આવ્યો છે જે સાચો નથી,વીડિયો ઓથેન્ટીક લાગ્યો નથી. આ ઉપરાંત હોટેલના રજીસ્ટર પણ કબ્જે કરી તપાસ કરી રહ્યા છે, તમામ CCTV પોલીસે કબજે કર્યા છે.
વીડિયોનો સોર્સ નથી મળ્યો : DCP
હોટલ ઇમ્પિરિયલ પેલેસમાં અશ્લીલ ડાન્સનો વીડિયો પેરલલ હાઈટ પરથી લેવામાં આવ્યો હતો.હોટેલમાં આવી કોઈ પાર્ટી થઈ નથી તેવુ હોટેલનું નિવેદન છે જ્યારે પોલીસ વીડિયોનો સોર્સ શોધવાના પ્રયાસ કરી રહી છે. ફોરેન્સિકમાં ચેક કર્યા બાદ સમયની સ્પષ્ટતા થઈ શકે. DCP દ્વારા એ પણ કહેવામાં આવ્યું હતું કે અયોગ્ય કે ગેરકાયદેસર કામ સામે આવશે તો કાર્યવાહી થશે
હોટેલ મેનેજરનો લૂલો બચાવ
રાજકોટની નામાંકિત ફાઈવ સ્ટાર હોટલમાં અશ્લીલ મહેફિલ મામલે હોટલના મેનેજરે બચાવ કરતાં કહ્યું કે આ વીડિયોની કોઈ ખરાઈ થઈ નથી, આ અત્યારના કેમેરાની કોઈ કમાલ હોય શકે. હોટલમાં અનેક રૂમ છે અને રૂમમાં અંદર કોણ શું કરી રહ્યું છે એ હોટલ સ્ટાફને ખબર ન હોય તે પ્રાઈવસીનો વિષય છે. રહી વીડિયોની વાત તો વીડિયો ક્યારે ઉતારવામાં આવ્યો એની પણ હજુ કોઈ તપાસ થઈ નથી. આમાં અશ્લીલ જેવું છે જ નહીં. આ કંઈ મંદિર તો છે નહીં કે કોઈ પૂજા કરવા આવ્યું હોય, અંદર શું કરે ખબર ન હોય. આ પરથી સ્પષ્ટ થાય છે હોટલ મેનેજર મન ફાવે તેમ બોલી કાંડને લૂલો કરવાના પ્રયાસ કરી રહ્યા હોય તેવુ લાગી રહ્યું છે.
હોટલ ઇમ્પિરિયલ પેલેસમાં અશ્લીલ મહેફિલ
રાજકોટની હોટલ ઇમ્પિરિયલ પેલેસમાં અશ્લીલ મહેફિલનો એક બનાવ સામે આવ્યો હતો. જેને કાયદાો વ્યવસ્થા સામે સવાલો ઉભા થયા છે. શહેરની વચ્ચો વચ્ચ આવેલી હોટલમાં યુવતીઓને બોલાવામાં આવી હતી. જ્યા તેમની પાસે અશ્લિલ ડાન્સ કરવામાં આવ્યો છે. જેના કારણે આ બનાવ હાલમાં ટોક ઓફ ધી ટાઉન બની ગયો છે. મહેફિલનો વીડિયો વાયરલ થયો છે. તે વીડિયોમાં નમાંકિત ઉદ્યોગપતિઓની હાજરી હતી. તેની સાથે જ સૌથી આધુનિક હોટલમાં આ અશ્વલીલ કાર્યક્રમ થયો હતો જેને લઈને ઘણા સવાલો થઈ રહ્યા છે.VTVએ વીડિયો દર્શાવતા પોલીસ કમિશનરે તપાસના આદેશ આપ્યા, રાજકોટ ક્રાઇમ બ્રાંચના અધિકારી હોટલ પર પહોંચી તપાસ હાથ ધરી હતી. જે બાદ આજે તપાસ અંગે ખુલાસા કર્યા છે
હોટેલની બાજુની બિલ્ડિંગથી વીડિયો ઉતાર્યો
સરાજાહેર હોટેલમાં થઈ રહેલી અશ્લીલ ડાંસની મહેફિલનો વીડિયો હોટેલની બાજુની બિલ્ડિંગમાંથી ઉતારવામાં આવ્યો. જેમાં સ્પષ્ટ જોઈ શકાય છે કે હોટલમાં અશ્લીલ હરકતો થઈ રહી છે. યુવતી ડાન્સ કરી રહી છે અને તમાશો શહેરના નામાંકિત ઉદ્યોગપતિઓ જોઈ રહ્યા છે.ત્યારે વીડિયો વાયરલ થતાં હોટલની રૂમમાં ચાલતા અશ્લીલ કારસ્તાનનો ભાંડફોડ થયો હતો. હોટેલનો રૂમ કોણે બૂક કરાવ્યો તપાસનો વિષય છે. તે સાથે જ હોટલના છઠ્ઠા માળે અશ્લીલતાના તમાશામાં કોણ-કોણ હાજર હતું તે સૌથી મોટો સવાલ છે