ક્રાઈમ / વડોદરામાં પોલીસે 700 ગ્રામ ગાંજો ઝડપી પાડ્યો: ચાર યુવક-યુવતીઓની કરાઇ અટકાયત

• વડોદરા પોલીસે 700 ગ્રામ ગાંજા ઝડપ્યો 
• બે યુવક અને યુવતીઓની કરી અટકાયત 
• કોંમ્પલેક્ષના બેસમેન્ટમાંથી કરી આરોપીઓની અટકાયત 

રાજ્યમાં ડ્રગ્સનો કાળો કારોબાર દિવસેને દિવસે વધી રહ્યો છે. જેમા ગઈકાલેજ મોરબીમાં મોટા પ્રમાણમાં ડ્રગ્સનો જથ્થો મળી આવ્યો હતો. ત્યારે વધુમાં આજે સંસ્કારી નગરી વડોદરામાં પણ પોલીસવને ગાંજો મળી આવ્યો છે.  જેમા મામલે પોલીસે કુલ 4 લોકોની ધરપકડ કરીને તેમની સામે કાયદેસરની કાર્યવાહી આરંભી છે. 

2 યુવક અને 2 યુવતીઓની અટકાયત 

વડોદરા પોલીસે સમગ્ર મામલે કુલ 4 લોકોની અટકાયત કરી છે જેમા 2 યુવકો છે જ્યારે બે યુવતીઓ છે. સાંભળીને આપને નવાઈ લાગશે કે યુવતીઓ પાસેથી પણ પોલીસને ગાંજો મળી આવ્યો જેથી આ સમગ્ર મામલે પોલીસે બંને યુવતીઓની પણ અટકાયત કરી છે. 

700 ગ્રામ ગાંજો પોલીસે કર્યો જપ્ત 

આરોપીઓ પાસેથી પોલીસને કુલ 700 ગ્રામ ગાંજો મળી આવ્યો છે. જેમા 200 ગ્રામ ગાંજો તો તેમની પાસેજ હતો. OP પર આવેલ આવિષ્કાર કોમ્પલેક્ષના બેઝમેન્ટમાં આરોપીઓ હતા જ્યા તેમની પાસેથી મોટા પ્રમાણમાં ગાંજાનો જથ્થો મળી આવ્યો છે. જેના કારણે પોલીસે તેમની અટકાયત કરીને તેમની સામે કાયદેસરની કાર્યવાહી કરી હતી.

ઘરમાંથી મળ્યો 500 ગ્રામ ગાંજો 

પોલીસને સમગ્ર મામલે શકિલા પાર્ક સોસાયટીમાં આવેલ ઘરમાંથી પણ 500 ગ્રામ જેટલો ગાંજાનો જથ્થો મળી આવ્યો છે. જે ચાર આરોપીઓની અટકાયત કરવામાં આવી છે તેમના નામ નૂપુર, મીત ઠક્કર, મોસીના પટેલ અને શાકિબ પટેલ હોવાનું સામે આવ્યું છે. જે મામલે પોલીસે આરોપીઓની અટકાયત કરીને તપાસ શરૂ કરી છે. 

ગાંજો ક્યાથી આવ્યો તે દિશામાં પોલીસે તપાસ આરંભી 

ઉલ્લેખનીય છે રાજ્યમાં હવે મોટા પ્રમાણમાં ડ્રગ્સનો કાળો કારોબાર સામે આવી રહ્યો છે. જેમા ખાસ કરીને ચરસ ગાંજાનો તો છાસવારે પોલીસ પર્દફાશ કરતી હોય છે. ત્યારે જે ચાર આરોપીઓ પાસેથી પોલીસને ગાંજો મળી આવ્યો છે. તેઓ આ જથ્થો ક્યાથી લાવ્યા હતા. તે દિશામાં પોલીસ હાલ તપાસ કરી રહી છે.