પોલીસ સ્ટેશનનાં કંટ્રોલમાં મેસજ મળ્યો હતો કે રિવરફ્રન્ટમાં એક યુવક રિવરફ્રન્ટના ગાર્ડનમાં ઘૂસીને સિક્યોરિટી સાથે ઝઘડો કરે છે. જેથી પોલીસ કર્મીઓ મોબાઈલ વાન લઈને રિવરફ્રન્ટ ગેટ નંબર ૨ પર પહોંચી ગયા હતા ત્યારે એક યુવક સિક્યોરિટીને ગાર્ડને મારતો હતો જેથી પોલીસ કર્મીઓએ વચ્ચે પડીને સિક્યોરિટીને મારતાં છોડાવ્યો હતો. ત્યાર બાદ સિક્યોરિટી સાથે જે યુવક ઝઘડો કરતો હતો તે રિવરફ્રન્ટ સિક્યોરિટી સુપરવાઈઝર તરીકે નોકરી કરતો સાબીર બેન્ઝર હતો.
(પ્રતિકાત્મક તસ્વીર)
અમદાવાદઃ હું સાબીર બેન્ઝર રિવરફ્રન્ટનો દાદા છું તારી મારી સામે કોઈ હેસિયત નથી. હું તારી વરદી એક મિનિટમાં ઉતારી દઉં તેવી પહોંચ રાખું છું તેમ કહીને સાબરમતી રિવરફ્રન્ટ (Sabarmati Riverfront) નાં સિક્યોરિટી સુપરવાઈઝરે પોલીસ કર્મચારી સાથે ઝપાઝપી કરીને પોલીસ સ્ટેશન માથે લેતાં મામલો બીચક્યો હતો. સુપરવાઇઝર સિક્યોરિટીને માર મારતો હતો ત્યારે પોલીસ ઘટના સ્થળે આવી પહોંચી હતી. જ્યાં પોલીસ કર્મચારીનો કોલર પકડીને તેનો હાથ મરોડી નાખ્યો હતો.
આ ઘટનામાં પોલીસે સુપરવાઇઝરની ધરપકડ કરીને પોલીસ સ્ટેશન (Police Station) માં લાવવામાં આવ્યા હતા જ્યાં તેણે કાચ પર પોતાનું માથું ભટકાવીને આખું પોલીસ સ્ટેશન માથે લીધું હતું. સાબરમતી રિવરફ્રન્ટ ઇસ્ટ પોલીસ સ્ટેશનમાં આર્મ પો.કોન્સ્ટેબલ મોબાઈલ વાનમાં ડ્રાઇવર તરીકે ફરજ બજાવતા મહમદ સલીમ પઠાણે સાબરમતી પોલીસ સ્ટેશનમાં રિવરફ્રન્ટના સિક્યોરિટી સુપરવાઈઝર સામે ફરિયાદ કરી છે. મહમદ સલીમ અને તેમની સાથે લોકરક્ષક મહેશભાઈ મશરૂ અને અન્ય અધિકારીઓ ફરજ પર હાજર હતા.
(પ્રતિકાત્મક તસ્વીર)
તે દરમ્યાનમાં પોલીસ સ્ટેશનનાં કંટ્રોલમાં મેસજ મળ્યો હતો કે રિવરફ્રન્ટમાં એક યુવક રિવરફ્રન્ટના ગાર્ડનમાં ઘૂસીને સિક્યોરિટી સાથે ઝઘડો કરે છે. જેથી પોલીસ કર્મીઓ મોબાઈલ વાન લઈને રિવરફ્રન્ટ ગેટ નંબર ૨ પર પહોંચી ગયા હતા ત્યારે એક યુવક સિક્યોરિટીને ગાર્ડને મારતો હતો જેથી પોલીસ કર્મીઓએ વચ્ચે પડીને સિક્યોરિટીને મારતાં છોડાવ્યો હતો. ત્યાર બાદ સિક્યોરિટી સાથે જે યુવક ઝઘડો કરતો હતો તે રિવરફ્રન્ટ સિક્યોરિટી સુપરવાઈઝર તરીકે નોકરી કરતો સાબીર બેન્ઝર હતો.
લોકરક્ષક મહેશભાઈ અને તેમના અન્ય સ્ટાફના માણસો સિક્યોરિટીને છોડાવવા જતાં તે ઉશ્કેરાઈ ગયો હતો, અને પોલીસ કરમિચારીઓ સાથે ઝપાઝપી કરવા લાગ્યો. સાબિર બેન્ઝરે પોલીસ કર્મચારીની કોલર પકડીને કહ્યું કે તું મને ઓળખે છે હું સાબિર બેન્ઝર રિવરફ્રન્ટનો દાદા છું. તારી મારી સામે કોઈ હેસિયત નથી. હું તારી વરદી એક મિનિટમાં ઉતારી દઉં તેવી પહોંચ રાખું હું તને નોકરી નહીં કરવા દઉં તેમ કહીને ઉદ્ધતાઈ ભર્યું વર્તન કરીને ગાળો બોલી ધમકી આપતો હતો.
ત્યારબાદ તેને પોલીસ સ્ટેશન લઇ આવ્યા હતા તેને પોલીસ સ્ટેશન લઇ આવતાં તે ઉશ્કરાઈ ગયો હતો અને મને પોલીસ સ્ટેશન કેમ લાવ્યા છો તેમ કહીને પોલીસ સ્ટેશનની બારી પર પોતાનું માથું પછાડવા લાગ્યો હતો અને બારીના કાચ તોડી નાખ્યા બાદ આખું પોલીસ સ્ટેશન માથે લીધું હતું. પોલીસે હાલ સરકારી મિલકતને નુકસાન તેમજ પોલીસ કર્મચારી સાથે ઉદ્ધતાઇ ભર્યું વર્તન કરવાની વિરુદ્ધમાં ગુનો નોંધીને વધુ તપાસ હાથ ધરી છે.