ભાવનગર: ખુલ્લેઆમ ચાલતા દારૂના વેપલા પર પોલીસે બોલાવી તવાઈ

ભાવનગરમાં છેલ્લા ઘણા સમયથી બુટલેગરો દ્વારા દેશી દારૂ વેચવામાં આવે છે. ત્યારે હવે પોલીસ દ્વારા રથયાત્રા આવતા દારૂના અડ્ડાઓ પર દરોડા પાડવાની શરૂઆત કરવામાં આવી છે. ઉલ્લેખનીય છે કે જિલ્લામાં અધેવડા સીદસર અનલગ સહિતના ગામડાઓમાં દેશી દારૂ વેચવામાં આવે છે.

આ સાથે જિલ્લામાં 25થી વધુ સ્ટેન્ડો પર દારૂ વેચવામાં આવે છે. મહત્વનુ છે કે આ અડ્ડાઓ પર ઘણી વખતે જનતા દ્વારા પણ રેડ પાડવામાં આવી છે. પરંતુ પોલીસ દ્વારા રેડ પાડવામાં આવી નથી. આ અડ્ડાઓ પોલીસની રહેમનજર રીતે ચલાવવામાં આવતા હોય તેવુ લાગી રહ્યુ છે.

આપને જણાવી દઇએ કે ભાવનગરમાં ગુજરાતની બીજા નંબરની રથયાત્રા નીકળતી હોઈ પોલીસે હાલ દારૂને લઈને દરોડાની કમગીરી હાથ ધરી છે. ભાવનગરમાં આવેલ આડોડીયા વાસમાં આઝાદી મળ્યા બાદથી લઈ આજ સુધી દારૂ ની ભઠ્ઠી ચાલુ છે. 

જ્યાંથી દેશી દારૂ વહેંચાય છે આ ઉપરાંત ભાવનગરના અધેવડા સીદસર અલનગ તેમજ આસપાસના ગામડાઓ તેમજ સિહોર અને ચિત્રા GIDC વિસ્તારમાં તેમજ કુંભારવાડા અને પ્રેસ રોડના વિસ્તારોમાં પણ દારૂ વહેંચાય છે.

ખાસ કરીને સૌથી વધુ આડોડીયા વાસ અને અલનગમાં વ્હેંચાય છે. અલનગમાં 25 થી વધુ સ્ટેન્ડ છે ભૂતકાળમાં આધેવાડામાં જનતા રેડ પાડવામાં આવી હતી અને લોકોએ વહેંચાણ બંધ કરાવ્યું હતું.