BIG NEWS / આસામમાંથી હજારોની સંખ્યામાં પ્રતિબંધિત કફ સિરપ પોલીસે ઝડપી પાડી, કિંમત જાણી ચોંકી જશો

• આસામમાં પોલીસને મળી મોટી સફળતા
• ગેરકાયદેસર કફ સિરપની બોટલો મળી આવી
• હજારોની સંખ્યામાં બોટલ સાથે એક શખ્સની ધરપકડ

આસામના કરીમગંજ જિલ્લાની પોલીસને મોટી સફળતા મળી છે. અહીં પોલીસની એક ટીમે હજારોની સંખ્યાામં પ્રતિબંધિત કફ સિરપની બોટલો ઝડપી પાડી છે. આ કાર્યવાહી દરમિયાન કફ સિરપની કુલ 9900 બોતલો જપ્ત કરવામાં આવી હતી. 

પ્રતિબંધિત દવા સાથે એકની ધરપકડ

આપને જણાવી દઈએ કે, આ પ્રતિબંધિત કફની કિંમત 50 લાખ રૂપિયા હોવાનું કહેવાય છે. આ વિસ્તાર આમ પણ ગેરકાયદેસર દવાઓની તસ્કરી માટે બદનામ થયેલો છે. કરીમગંજ જિલ્લા પોલીસ અધિકારી પદ્મનાભ બરુઆએ જણાવ્યું છે કે, પોલીસને એક ગુપ્ત સૂચના મળી હતી, તેના આધાર પર સર્ચ ઓપરેશન શરૂ કર્યા બાદ બદરપુર વિસ્તારમાં આવેલા હાઈવે પર રજીસ્ટ્રેશન નંબર AS-11EC-0919 ટ્રકને રોક્યો અને તેની અંદર જથ્થાબંધ સિરપની બોટલો સાથે એક શખ્સની ધરપકડ કરવામાં આવી. 

તપાસ દરમિયાન ટ્રકનો ડ્રાઈવર ફરાર થઈ ગયો હતો. હવે બદરપુર પોલીસ સ્ટેશન આ મામલે તપાસ કરી રહી છે. તથા ફરાર થયેલા ડ્રાઈવરને શોધવાની કોશિશ કરી રહી છે. 

બોર્ડર જિલ્લામાં વધારે તસ્કરી

નોર્થ ઈસ્ટની વાત કરીએ તો, આસામ -ત્રિપુરા બોર્ડર પર પ્રતિબંધિત દવાઓની તસ્કરીનો આવા કિસ્સો આવતા જ રહે છે. નશાના વેપારીઔનું ફોક્સ સરહદી જિલ્લા પર વધારે હોય છે. એટલા માટે સમયાંતરે અહીં એન્ટી ડ્રગ્સ ઓપરેશન ચલાવામાં આવે છે.