પર્દાફાશ / 31stની રાત્રી પહેલા જ પોલીસની મોટી રેડ, આટકોટમાં કેફીપીણુ બનાવતી મીની ફેક્ટરી ઝડપાઈ

• કેફીપીણુ બનાવતી મીની ફેક્ટરી ઝડપાઈ
• નશાયુક્ત કેફીપીણું બનાવતી ફેક્ટરીનો પર્દાફાશ 
• દેશી દારૂ જેવું પ્રવાહી મિક્સ કરીને કરાતું વેચાણ 

આજે 31 ડિસેમ્બરે વર્ષના છેલ્લા દિવસ તરીકે યાદગાર બનાવવા માટે પાર્ટીઓનું આયોજન કરવામાં આવતું હોય છે અને લોકો ડીજેના તાલે ઝૂમતા હોય છે ત્યારે કેટલાક લોકો દારૂની પણ મહેફીલ માણતા જોવા મળે છે. આવા તત્વો સામે કાર્યવાહી કરવા માટે પોલીસ પહેલાથી જ એલર્ટ બની છે. એવામાં રાજકોટ પોલીસને મોટી સફળતા મળી છે. 

નશાયુક્ત કેફીપીણું બનાવતી ફેક્ટરીનો પર્દાફાશ 

રાજકોટમાં જસદણના ખારસીયામાં ફ્રુટી બીયરમાં નશા યુક્ત પદાર્થ ભેળવીને આલ્કોહોલનું વિતરણ કરતા 3 લોકોને પોલીસે ઝ઼ડપી પાડ્યા છે. મહત્વનું છે આજે 31 ફસ્ટને લઈને લોકોમાં નવા વર્ષની ઉજવણીનો માહોલ જોવા મળે છે તેમને વર્ષના છેલ્લા દિવસે લોકો તેને યાદગાર બનાવવા માટે આતસબાજી કરતા જોવા મળે છે ત્યારે આટકોટ પોલીસે કેફીપીણું બનાવતી ફેક્ટરી ઝડપી પાડી છે.  ખારચિયા ગામના સિમ વિસ્તારમાં ખેતરમાં પ્લાસ્ટિકના કંતાન બાંધી કેફીપીણામાં નશા યુક્ત પદાર્થ ભેળવવામાં આવતો હતો.કેફીપીણમાં દેશી દારુ જેવું જ પ્રવાહી મિક્સ કરી તેવું વેચાણ કરવામાં આવતું હતું ત્યારે આજે પોલીસે બાતમીના આધારે દરોડા પાડ્યા હતા અને બોટલામાં નશાયુક્ત પદાર્થોનું મિશ્રણ કરી અલગ અલગ ફ્લેવરમાં વેચાણ કરતા શખ્સની ધરપકડ કરી હતી. પોલીસે 5.30 લાખના મુદ્દામાલ સાથે 3 આરોપીઓની ધરપકડ કરી આગળની કાર્યવાહી હાથ ધરી છે. 

દેશી દારૂ જેવું પ્રવાહી મિક્સ કરીને કરાતું વેચાણ 

પોલીસ સુત્રોના જણાવ્યા મુજબ ફ્રુટી બીયર બનાવવાનો નોન આલ્કોહોલિક પાવડર પાણીમાં નાખવામાં આવાતું હતું. આ પ્રવાહીમાં દેશી દારૂનું મિશ્રણ કરી આ નશાયુક્ત પ્રવાહી પ્લાસ્ટિકની બોટલોમાં ભરવામાં આવતું. નશાયુક્ત પ્રવાહી અંગે કોઇને ખબર ન પડે તે માટે આ પ્લાસ્ટિકની બોટલોમાં તુલસી, સંતરા અને હર્બલ ટોનિક નામના સ્ટીકરો લગાવતો.જે બાદ એક બોટલ 100 રૂપિયામાં વેચાણ કરાતું. બાદમાં આ નશાયુક્ત પ્રવાહી ભરેલી બોટલો ઇન્ડસ્ટ્રીઝ એરીયામાં સપ્લાય કરતો હતો. આ પ્લાસ્ટિકની બોટલોમાં 160 રૂપીયાની કિંમત લખેલી છે. પરંતુ તે 100 રૂપિયામાં વેચતો હોવાનું ખુલ્યું છે. ઠંડા પીણાની બોટલોમાં દેશી દારૂનું મિશ્રણ કરી વેચવાના કારસ્તાનમાં પકડાયેલા આરોપી સાથે અન્ય અન્ય કોઇ શખ્સો સામેલ છે કે કેમ? તે અંગે પોલીસે તપાસ શરૂ કરી છે.