ઓનલાઇન અને ઇન્ટરનેટ માધ્યમનો ઉપયોગની સાથે સાથે લોકો દૂર ઉપયોગ પણ વધ્યો છે. લોકોમાં નવી ટેકનોલોજીનો ગુનાહિત પ્રવૃતિમાં ઉપયોગ પણ કરવા લાગ્યાં છે. રાજકોટમાં સોશિયલ મીડિયાના ગ્રુપ મારફત ચાલતા ગોરખધંધાનો પર્દાફાશ કરવામાં આવ્યો છે. VTVએ મળેલી માહિતી મુજબ તેનું પ્રસારણ કર્યુ હતું. આ અહેવાલ બાદ પોલીસ એક્શન મોડમાં આવી હતી. અને એ-ડિવિઝન પોલીસ દ્વારા હોટલોમાં ચેકીંગ કરવામાં આવ્યું હતું. ત્યાર બાદ એ-ડિવિઝન પોલીસે રાજકોટની નામાંકિત હોટલોમાં ચેકીંગ પણ કર્યુ હતું. તેમજ આ પ્રકારના ગોરખધંધા ચલાવતા આરોપીઓની શોધખોળ હાથ ધરી છે. અને આ મામલે સાયબર ક્રાઇમના વધુ ગુનાહો પણ ઝડપાય શકે છે.
ગઈકાલે vtv દ્વારા સમગ્ર મામલે તપાસ કરાઈ હતી
રાજકોટના સોશિયલ મીડિયામાં ફરતા છોકરીઓના ફોટો અને હોટલના કાર્ડથી ગોરખધંધાનો ગઈકાલે પર્દાફાશ થયો હતો. હાલ વોટ્સઅપ ચેટના સ્ક્રિનશોર્ટ સોશિયલ મીડિયામાં ફરી રહ્યા છે. જેમાં કેટલીક યુવતીઓના ફોટો પણ દેખાઈ રહ્યા છે. આ ફોટો સાથે રાજકોટની એક હોટલનું કાર્ડ પણ હતું. અને હોટલ વિશે પૂછપરછ કરનારા વ્યક્તિને સમગ્ર માહિતી વોટ્સઅપ પર આપવામાં આવતી હતી. જો કે, સોશિયલ મીડિયામાં જે યુવતીઓના ફોટો વાઈરલ થયા છે. તેને લઈ Vtv તેમના વિશે કોઈ દાવો કરતી નથી.
જે હોટલનું કાર્ડ સોશિયલ મીડિયામાં વાઈરલ થયું હતું. તે હોટલ પર અમારા રિપોર્ટર પણ પહોંચ્યા હતો. આ હોટલનું સ્ટ્રક્ચર જોઈને એવું લાગી રહ્યું છે કે, છૂપી રીતે કોઈ કામગીરી થઈ રહી છે. તો હોટલના સંચાલક પણ કેમેરો જોઈને ભાગી રહ્યા હતા. અને વાઈરલ ફોટો વિશે પણ વાત કરવા માગતા નથી. જો કે, આ હોટલ મૂનના રૂમની સ્થિતિ જોઈને પણ શંકા ઉપજે તેવી હતી.
રાજકોટ પોલીસની કામગીરી પર સવાલ
રાજકોટની જે હોટલનું કાર્ડ અને યુવતીઓના ફોટો વાઈરલ થયા છે. તે બાદ Vtvની ટીમ ઘટના સ્થળે પહોંચી હતી. અને હોટલ જેવી હોટલ નહીં પણ કોઈ ગોરખધંધો ચાલી રહ્યો છે. તેવી સ્થિતિમાં રૂમ જોવા મળ્યા હતા. ત્યારે બસસ્ટેન્ડ પાછળ આ પ્રકારે અગાસીમાં બાંધકામ કરીને હોટલ પર પોલીસની નજર કેમ પડતી નથી.