વિવાદ / ભારતીય ક્રિકેટર મોહમ્મદ શમીની પત્નીની થઈ ધરપકડ, જાણો કારણ

મોહમ્મદ શામીની પત્ની હસીન જહાં અડધી રાત્રે અચાનક ઉત્તર પ્રદેશના અમરોહામાં ક્રિકેટરના ઘરે પહોંચી ગઇ. મોહમ્મદ શમીની માતા અને પરિવારના લોકોની સાથે વિવાદ પછી પોલીસ બોલાવવી પડી હતી. પરિવારની ફરિયાદ પછી હસીન જહાંની પોલીસે ધરપકડ કરી હતી. 

સોમવારે પોલીસે ક્રિકેટરની મૉડલ પત્નીના એસડીએમ કોર્ટમાં રજૂ કરી. હસીન જહાં પર શાંતિ ભંગ કરવાનો આરોપ લગાવવામાં આવ્યો હતો. હસીન જહાંએ કોર્ટમાં રજૂ કર્યા પછી પણ વાતાવરણ ગંભીર રહ્યુ. હસીન જહાંએ આ દરમિયાન જામીન લેવા માટે પણ ઇન્કાર કરી દીધો, પરંતુ કોર્ટે તેણે જામીન પર છોડી દીધી. આ પહેલા પોલીસે હસીન જહાંને અમરોહાની જિલ્લા હોસ્પિટલમાં રાખી હતી. 

હસીને પોલીસને કહ્યું હતું કે, તે તેના પતિના ઘરે રહેવા આવી હતી. તેણે કહ્યું, આ મારું અને મારા પતિનું ઘર છે. હું અહીં જ રહીશ. હસીનના વકીલે જણાવ્યું કે, તેની સાથે કોઈ અયોગ્ય ઘટના ન બને તેથી તેની અટકાયત કરવામાં આવી હતી.

હસીન જહાંએ ક્રિકેટર મોહમ્મદ શમી પર બેવફાઇ, હત્યાનો પ્રયત્ન ,મૈરિટલ રેપ સહિતના ઘણા  આરોપ લગાવ્યા. જોકે પછી હસીને પોતાના પતિ વિશે કહ્યુ હતુ કે, ''હવે હું મારા પતિમાં રસ નથી રાખતી, હું ક્યારે લૂઝર ના હતી અને ના બનીશ. પરંતુ મારી લડાઇ ચાલુ રાખીશ.''

હસીન જહાંએ ફરી મોડલિંગ શરૂ કરી દીધુ છે. તેણે કહ્યુ કે, ''3 વર્ષની દિકરીના ભરપોષણ અને સન્માન ભરેલી જિદંગી જીવવા માટે મૉડલિંગ કરી રહી છું.''

ઉલ્લેખનીય છે કે, હસીન જહાંએ પ્રોફેશનલ મોડલ રહી હતી અને કોલકાતા નાઇટ રાઇડર્સની ચિયર લીડર પણ હતી. 2014માં શમી સાથે લગ્ન પછી તેણે મોડલિંગ છોડી દીધુ હતુ. આ સાથે જ શમીથી છૂટા પડ્યા પછી હસીને કોર્ટે પાસે માંગણી કરી હતી કે ''તેણે 10 લાખ રૂપિયા દર મહિને શમી આપે.'' આ  સિવાય પોતાના પતિ પર ફ્કિંસિંગ સુધીનો આરોપ લગાવ્યો હતો. જોકે BCCIએ તેણે ક્લીન ચીટ આપી હતી.