મુન્દ્રા કસ્ટોડીયલ મોત મામલે મુન્દ્રાના પોલીસ ઈન્સ્પેક્ટર જે.એ.પઢિયાર અને આરોપી ત્રણ પોલીસ કોન્સ્ટેબલને સસ્પેન્ડ કરી દેવામા આવ્યા છે.
મુંદ્રામાં યુવકના કસ્ટોડિયલ ડેથનો મામલો
ફરજમાં બેદરકારી બદલ PI સહિત 6 પોલીસકર્મી સસ્પેન્ડ
પશ્ચિમ કચ્છ જિલ્લા પોલીસવડાની કાર્યવાહી
મુન્દ્રા કસ્ટોડીયલ મોત મામલે પોલીસ ઈન્સ્પેક્ટર જે.એ.પઢિયાર અને આરોપી ત્રણ પોલીસ કોન્સ્ટેબલને સસ્પેન્ડ કરી દેવામા આવ્યા છે. સસ્પેન્ડેડ કોન્સ્ટેબલો સાથે દારૂની મહેફિલ માણતા દેખાતા અન્ય બે કોન્સ્ટેબલોની તસવીર વાયરલ થયા બાદ તેમને પણ સસ્પેન્ડ કરવામાં આવ્યા છે. પશ્ચિમ કચ્છ પોલીસ અધિક્ષક સૌરભ સિંઘે મોડી રાત્રે આ નિર્ણય લીધો હતો. ઉલ્લેખનીય છે કે મુન્દ્રા કસ્ટોડીયલ મોત સંદર્ભે મૃતકના કૌટુંબિક ભાઈએ ત્રણેય કોન્સ્ટેબલો સામે હત્યા સહિતની કલમો હેઠળ ગુનો નોંધાવ્યો હતો.
ઘટના બાદ કોસ્ટેબલ થઈ ગયા હતા ફરાર
બનાવ બાદ ત્રણેય કોન્સ્ટેબલ ફરાર થઈ ગયા છે. પોલીસ વડાએ ત્રણેયને સસ્પેન્ડ કરી દીધા છે. ઈન્ક્વાયરીના રીપોર્ટમાં પ્રાથમિક રીતે જ કસ્ટોડિયલ ડેથના બનાવમાં પીઆઈની બેદરકારી સ્પષ્ટ થતાં તેમને સસ્પેન્ડ કરી દેવામાં આવ્યા છે.
મુંદ્રામાં યુવકની કસ્ટોડિયલ ડેથ બાદ ગઢવી અને ચારણ સમાજની કોંગ્રેસ વિરુદ્ધ નારાજગી જોવા મળી હતી. કોંગ્રેસે સમગ્ર ઘટનામાં દરકાર ન લીધી હોવાનો આક્ષેપ કર્યો હતો. તો બીજી તરફ કચ્છ ગઢવી-ચારણ સમાજના પ્રમુખે કોંગ્રેસમાંથી રાજીનામું આપી દીધું હતું.