ઉત્તરપ્રદેશના બદાયૂ જિલ્લાનો એક વીડિયો સામે આવ્યો છે. જેમા પોલીસ કર્મીઓને રસ્તા પર પસાર થઇ રહેલા લોકો પર બંદૂક દર્શાવતા જોવા મળ્યા. આટલુ જ નહીં, એ વાહનોની તપાસ દરમિયાન તેમના હાથ ઉપર ઉઠાવવા માટે મજબૂર પણ કર્યા હતા. સમાચાર એજન્સી આઇએએનએસના મુજબ વજીરગંજમાં બગેન પોલીસ ચોકી પાસેનો આ વીડિયોમાં પ્રભારી રાહુલ કુમાર સિસોદિયા રસ્તા પરથી પસાર થઇ રહેલા લોકોને ધમકાવતા જોવા મળી રહ્યા છે.
વીડિયોમાં જોઇ શકાય છે કે એક પોલીસ અધિકારી રસ્તા પરથી પસાર થઇ રહેલા લોકો પર બંદુકની અણીએ ચેતવણી આપતા જોવા મળી રહ્યા છે. એએનઆઇ દ્વારા જાહેર આ વીડિયોમાં અધિકારી કહી રહ્યો છે કે, 'આપના હાથ ઉપર ઉઠાવો. આપના પગ ખોલો. જો આપના હાથ નીચે કરો છો તો આપને ગોળી મારી દેવાશે. પછી ન કહેતા કે આપને ગોળી મારી દેવાઇ. આપને ગોળી મારી દેવાશે.'
આઇએએનએસ મુજબ, સ્થાનિય લોકોનો દાવો છે કે હવે પોલીસ આ પ્રકારની નિયમિત રૂપે વાહનોની ચેકિંગ કરતી રહે છે. ઉપરાંત પોલીસ મહિલાઓને પણ નથી છોડતી. બીજી તરફ પોલીસનું કહેવું છે કે, ક્ષેત્રમાં ગુનાખોરી પર નજર રાખવા માટે બંદુક બતાવવામાં આવે છે.
એક પોલીસ અધિકારીના હવાલાથી આઇએએનએસે લખ્યું છે કે, 'બદાયૂમાં ગુનાખોરી ઘણી છે અને અમે અમારી બંદૂક બહાર રાખીએ છીએ કેમકે ખબર નહીં ક્યારે વાહનમાં અપરાધી આવી જાય. ત્યારે પોલીસ તેને છોડતી નથી.'