ઈન્દોર પોલીસે ફૂડ ડિલિવરી બોયને નવી નક્કોર બાઈક લઈને દેશમાં એક અનોખું ઉદાહરણ પુરુ પાડ્યું છે.
મધ્યપ્રદેશના ઈન્દોર પોલીસનું પ્રશંસનીય કામ
ફૂડ ડિલિવરી બોય આવ્યો હતો સાઈકલ પર
પોલીસનું દિલ પીગળ્યું, તાત્કાલિક અપાવી નવી બાઈક
સમય આવે ખાખી પણ માનવતા શોભાવે તેવું કામ કરતી હોય છે. મધ્યપ્રદેશના સૌથી સ્વચ્છ શહેર ગણાતા ઈન્દોરમાં પોલીસે એક અદ્દભૂત કામ કરીને આ કહેવતને સાચી પાડી છે.
ડિલિવરી મેનને સાઈકલ પર જતો જોઈને પોલિસનું પીગળ્યું દિલ, લઈ આપી નવી બાઈક
ઈન્દોરના વિજય નગર પોલીસ સ્ટેશનના પોલીસકર્મીઓએ ફૂડ ડિલિવરી બોયને એક નવું બાઈક ખરીદીને ભેટમાં આપ્યું છે. પેટ્રોલિંગ દરમિયાન પોલીસના ધ્યાનમાં સાઈકલ લઈને જતો એક યુવાન ધ્યાનમાં આવ્યો હતો. ભીષણ ગરમીમાં પરસેવે રેબઝેબ થઈને યુવાન સાઈકલ હાંકીને ફૂડ ડિલિવરી કરવા જઈ રહ્યો હતો. આ જોઈને પોલીસનું દિલ પીગળ્યું અને તેમણે યુવાન માટે તાત્કાલિક કંઈ કરવાનો નિર્ણય કર્યો.
Madhya Pradesh | Police personnel of Indore's Vijay Nagar police station buy a motorcycle for a man who was delivering food on a bicycle
We saw him during patrolling. Upon asking he said he has some financial problem & due to which he is unable to buy a bike: SHO Tehzeeb Qazi pic.twitter.com/MeBQCwICWX
બધા પોલીસે ભેગા મળીને ફાળો ઉઘરાવ્યો
એચએચઓ તેહઝીબે કાઝીએ કહ્યું કે પેટ્રોલિંગ દરમિયાન અમે યુવાનને જોયો હતો. પૂછવામાં આવતા યુવાને જણાવ્યું કે તે ગરીબ ઘરનો છે અને પૈસાની ખૂબ તંગી છે એટલે બાઈક ખરીદી શકે તેવી સ્થિતિમાં નથી તેથી સાઈકલ પર ફૂડ ડિલિવરી કરવા જવું પડે છે. યુવાનની વ્યથા સાંભળીને અમને લાગી આવ્યું અને તેને માટે બાઈક ખરીદવાનો નિર્ણય કર્યો. અમે બધા પોલીસકર્મીઓએ પૈસા ઉઘરાવીને એક ફંડ ભેગું કર્યું અને પછી તેમાંથી હીરોની બાઈક ખરીદી અને યુવાનને આપી.
લોકોએ ખૂબ વખાણ્યું પોલીસના આ પ્રશંસનીય કામને
લોકોએ પોલીસના આ કામને બિરદાવ્યું છે. કેટલાક લોકોએ પોલીસને ભગવાનનો અવતાર પણ ગણાવ્યાં હતા.