પોલીસે 4.20 લાખની નકલી ચલણી નોટો સાથે 3ની ધરપકડ કરી
મહીસાગર એસઓજી પોલીસને બાતમી મળી હતી કે, સંતરામપુર તાલુકાના ડોળી ગામની સીમમાં ગરનાળા પાસે ત્રણ માણસો ચલણી ડુપ્લિકેટ નોટોની આપ - લે કરવા માટે ભેગા થનાર છે જેના આધારે પોલીસે વોચ ગોઠવીને સંતરામપુરના કોળી ગામેથી ગત રોજ રૂા. 4.20 લાખની બનાવટી ચલણી નોટો સાથે 3 શખ્સો ઝડપી પાડ્યાં હતાં
જિલ્લામાં બનાવટી નોટોના ચલણની ઉઠી હતી લોકની રાવ
પોલીસે તેઓની તપાસ કરતાં તેઓના કબજામાંથી ભારતીય ચલણીની 200 ની 1456 નોટો સહિત 500 ની 77 નકલી ચલણી નોટો મળી આવી હતી.પોલીસ પુછપરછ દરમિયાન પકડાયેલા ત્રણે જણાં ચલણી નોટો બનાવટી હોવાનુ પોતે જાણતા હોવા છતાં તેનો ખરી નોટો તરીકે ઉપયોગ કરવાના હેતુથી નોટો રાખતાં પોલીસે 3ની અટકાયત કરી હતી. ડુપ્લિકેટ નોટો સહિત કુલ રૂા. 4,20,200 નો મુદ્દામાલ કબજે કરાયો હતો. ઉલ્લેખનીય છે કે, થોડા દિવસો અગાઉ રૂા.500ની નકલી ચલણી નોટો ઝડપાઇ હતી. ત્યારે હવે સવાલ એ ઉભો થાય છે કે, આખરે કોણ ચલણી નોટોનો ચલાવી રહ્યુ છે કાળો કારોબાર ? ક્યાંથી આ ડુપ્લીકેટ નોટો આવી રહી છે.