સર્ચ ઓપરેશન / અમદાવાદમાં પોલીસનું મેગા સર્ચ ઓપરેશન, એકસાથે 428 લોકો વિરૂદ્ધ કરાઇ કાર્યવાહી

Ahmedabad Police : અમદાવાદમાં પોલીસ દ્વારા મેગા સર્ચ ઓપરેશન હાથ ધરવામાં આવ્યું છે. વાસ્તવમાં અમદાવાદમાં પોલીસ દ્વારા ઝોન-2 DCPની આગેવાનીમાં સાબરમતી પોલીસ મથક વિસ્તારમાં સર્ચ ઓપરેશન હાથ ધરાયું હતું. આ દરમિયાન 428 જેટલા લોકો સામે કાર્યવાહી કરાઇ છે. મહત્વનું છે કે, પોલીસની ટીમ દ્વારા અસામાજિક તત્વોના અડ્ડા ઉપર સર્ચ કરવામાં આવ્યું હતું અને ખાસ ભાડુઆતો જ્યાં રહેતા હતા તે ઘર પણ તપાસવામાં આવ્યા હતા.

મેટ્રો સિટી અમદાવાદમાં કાયદો અને વ્યવસ્થાની સ્થિતિ જાળવવા પોલીસની ટીમ કાર્યરત છે. આ દરમિયાન અમદાવાદ ઝોન-2 DCPની આગેવાનીમાં સાબરમતી પોલીસ મથક વિસ્તારમાં સર્ચ ઓપરેશન હાથ ધર્યું હતું. પોલીસની ટીમ દ્વારા કાળીગામ, અચેર, છારાનગર, ધરમનગર, ત્રાગડ વિસ્તારમાં અસામાજિક તત્વોના અડ્ડા ઉપર સર્ચ કરવામાં આવ્યું છે.

વધુ વાંચો : કૌભાંડી ભૂપેન્દ્ર ઝાલા અબજો રૂપિયા ચાઉં કરી ગયો, 53 કરોડ તો ખાલી અંગત ઉપયોગમાં લીધા

આ સાથે ભાડુઆતો જ્યાં રહેતા હતા તે ઘર પણ તપાસવામાં આવ્યા છે. આ કાર્યવાહી દરમિયાન બ્રેથ એનાલાઇઝર, ડ્રગ્સ ટેસ્ટિંગ કીટ સાધનો સાથે ચેકિંગ કરાયુ હતું. આ કાર્યવાહી દરમિયાન પોલીસ દ્વારા 428 જેટલા લોકો સામે કાર્યવાહી કરાઇ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ