રાજકોટ / પોલીસ હેડ ક્વાર્ટરમાંથી જ જુગારધામ ઝડપાયું, 3 મહિલા સહિત 8 લોકો ઝડપાયા

રાજકોટ રેસકોર્સ રિંગ રોડ પાસે આવેલા પોલીસ હેડ ક્વાર્ટરમાં 9માં માળે ક્વાર્ટર નં 904માં જુગારાધામ ઝડપાયું છે. મળતી માહિતી મુજબ રવિ નામનો પોલીસમેનનો પુત્ર પોલીસ હેડક્વાર્ટરમાં જુગારધામ ચલાવતો હતો અને બહારથી માણસો બોલાવીને જુગાર રમાડતો હતો. પ્રદ્યુમનનગર પોલીસે દરોડી પાડી 37 હજારની રોકડ અને ગંજીપા સાથે 3 મહિલા સહિત કુલ 8 લોકોને હેડક્વાર્ટરમાંથી જુગાર રમતા ઝડપી પાડ્યા છે.

હાલ પોલીસપુત્રની પોલીસે શોધખોળ હાથ ધરી છે અને તમામ મુદ્દામાલ જપ્ત કર્યો છે. ત્યારે રવિ કયા પોલીસ અધિકારીનો દીકરો છે તે હજુ સામે આવ્યું નથી ત્યારે પોલીસપુત્ર કેવી રીતે ફરાર થઇ ગયો તેને લઇને પણ અનેક સવાલ ઉઠી રહ્યાં છે.