દુર્ઘટના / રાજકોટમાં વિચિત્ર ઘટનાઃ PSIથી રિવોલ્વર સાફ કરતી વેળાએ ગોળી છૂટીને રાહદારીનું મોત

• ક્રિકેટની ટિકિટ આપવાં આવેલો યુવાનને એકાએક યમરાજા ભેટ્યા
• ઘટના એટલી વિચિત્ર છે કે ક્રાઈમ બ્રાંચ અને સમગ્ર પોલીસ સ્ટાફ ગોથે ચડ્યું
• ફાયરિંગની ઘટના બનતા લોકોના ટોળા વળ્યા, મહિલા PSI સામે લોકોમાં રોગ પ્રગટ્યો

 રાજકોટના એસ ટી બસ સ્ટેન્ડ પર એકાએક બનેલી ફાયરિંગની ઘટનાથી સમગ્ર રાજકોટનું એસ પી સહિતનું પોલીસ તંત્ર અને ક્રાઈમ બ્રાંચ ધંધે લાગી ગઈ છે. જો કે સમગ્ર ઘટના એવી હતી કે બસસ્ટેન્ડ પોલીસ ચોકીમાં ફરજ બજાવનાર PSI પી પી ચાવડાથી રિવોલ્વર સાફ કરતી વેળાએ ગોળી છૂટી કે તરત જ રાહદારી હિંમાશું દિનેશભાઈ ગોહેલ કે જે પોતાના એક મિત્રને કાલના ઓસ્ટ્રેલિયા-ભારતની મેચની ટિકિટ આપવા આવ્યો તેને લાગી અને ત્યારે જ તેનું મોત થયું.

ઘટના બાદ ખુદ PSI પી પી ચાવડા સહિતનો સમગ્ર પોલીસ સ્ટાફ અચંબિત થઈ ગયો હતો કે ઘટના બની કેવી રીતે. આ અંગે PSI ખુબ દુઃખી થયા પરંતુ ઘટના સ્થળે લોકોમાં તેમના પ્રત્યે ભારો ભાર રોષ હતો. ઘટનાની જાણ અન્ય ઉપરી અધિકારીઓને થતાં તાત્કાલિક તમામ અધિકારીઓ ઘટના સ્થળે પહોંચ્યા અને ટોળાના રોષ સહિત સમગ્ર ઘટનાને કાબૂમાં લઈ લેવાયો હતો. પ્રાથિમક માહિતી મુજબ પોલીસ ખુદ PSI વિરુદ્ધ ફરિયાદ નોંધશે.