દિલ્હીના 30 હજારી કોર્ટમાં વકીલો અને પોલીસ વચ્ચે હિંસા ભડકી ઉઠી છે. રિપોર્ટ અનુસાર, અહીં પર પોલીસે ફાયરિંગ કર્યું છે. પોલીસની ફાયરિંગ બાદ વકીલ ભડકી ગયા છે, તેમણે પોલીસની ગાડીઓમાં તોડફોડ કરી. આ સિવાય વકીલોએ પોલીસના કેટલાક અધિકારીઓની ધોલાઇ પણ કરી નાખી છે. રિપોર્ટ અનુસાર, વકીલોએ કેટલીક ગાડીઓમાં તોડફોડ કરી છે.
કોર્ટ પરિસરમાં એક વાહનને પણ આગ લગાવી દેવાઇ
એક વકીલના પગમાં ગોળી વાગવાની પુષ્ટિ
વકીલો અને પોલીસ વચ્ચે કોર્ટના પાર્કિંગને લઇને અથડામણ
મળતી માહિતી અનુસાર, વકીલો અને પોલીસ વચ્ચે કોર્ટના પાર્કિંગને લઇને બોલાચાલી થઇ હતી. આ બોલાચાલી બાદ મામલો બિચક્યો અને બન્ને પક્ષો વચ્ચે મારામારી શરૂ થઇ ગઇ હતી. એટલું જ નહીં વકીલોએ પોલીસને કોર્ટમાં પણ પ્રવેશ ન કરવા દીધો.
Delhi: A scuffle has broken out between Delhi Police and lawyers at Tis Hazari court, incident of firing has also been reported. One lawyer injured and admitted to hospital. More details awaited. pic.twitter.com/nsKLaZQRmv
આ અથડામણમાં એક વકીલ પણ ઇજાગ્રસ્ત થયો છે, જેમને સારવાર અર્થે હોસ્પિટલ ખસેડાયો છે. ત્યારે કોર્ટ પરિસરમાં એક વાહનને પણ આગ લગાવી દેવાઇ છે. બાર કાઉન્સિલ ઓફ દિલ્હીના વાઇસ ચેરમેન ડીકે સિંહે એક વકીલના પગમાં ગોળી વાગવાની પુષ્ટિ કરી છે.
Delhi: Lawyers injured in the scuffle with Delhi police, at Tis Hazari Court, have been admitted to St Stephen's Hospital. pic.twitter.com/HauUDGzEne
જણાવાય રહ્યું છે કે, પોલીસ કર્મચારીઓએ વકીલોની ભીડથી જીવ બચાવવા માટે ખુદને લોકઅપમાં બંધ કરેલ છે. ત્યારે દિલ્હી પોલીસનું કહેવું છે કે ફાયરિંગ જેવી કોઇ ઘટના નથી બની. પોલીસની ગાડી સળગાવી છે અને બબાલ કઇ વાત પર થઇ તેની તપાસ કરવામાં આવી રહી છે.