લોકસભા ચૂંટણી પહેલા બુટલેગરો બેફામ રીતે દારૂની હેરાફેરી કરી રહ્યા છે. ત્યારે હવે કચ્છમાંથી વિદેશી દારૂનો જથ્થો ઝડપાયો છે. પૂર્વ કચ્છ LCB અને SOG પોલીસે રેડ પાડીને આ વિદેશી દારૂનો જથ્થો ઝડપી પાડ્યો. પોલીસે વિદેશી દારૂ સાથે સાત શખ્સોની પણ ધરપકડ કરી છે. પોલીસ તપાસમાં સામે આવ્યું કે શિવરાજસિંહ શેખાવતે ચૂંટણી માટે આ દારૂ મંગાવ્યો હતો. આ મામલે ગુનો નોંધીને વધુ તપાસ હાથ ધરી છે.
કુખ્યાત બૂટલેગર શિવરાજસિંહ શેખાવત પાસા હેઠળ જેલમાં છે
લોકસભાની ચૂંટણી જાહેર થતા પોલીસ તંત્ર સક્રીય થયુ છે. ત્યારે ચૂંટણી દરમિયાન દારૂની રેલમછેલ રોકવા અને શાંતિપૂર્ણ રીતે મતદાન થાય તે માટે ગુનેગારો, બૂટલેગરો, અસામાજીક તત્વો પર પોલીસે કાર્યવાહી શરૂ કરી છે.
સુરતમાં દારૂ ઘુસાડવાની અનોખી રીતનો પર્દાફાશ
તો બીજી તરફ સુરતમાં દારૂ ઘુસાડવાની અનોખી રીતનો PCB પોલીસે પર્દાફાશ કરી દીધો છે. કડોદરાથી સુરત ડુંગળીની આડમાં લવાતો દારૂનો જથ્થો પોલીસે જપ્ત કર્યો છે. પોલીસે અંદાજે રૂપિયા 1 લાખ 70 હજારની કિંમતનો મુદ્દામાલ જપ્ત કર્યો છે. આ અંગે ગુનો નોંધી વધુ કાર્યવાહી હાથ ધરી છે.