કાર્યવાહી / રાજકોટના જ્યોતિનગર ચોકમાં ફાયરિંગ મામલે પોલીસે શરૂ કર્યો તપાસનો ધમધમાટ, પૂર્વ MLAની વાડીમાં પોલીસે કર્યું સર્ચ 

• રાજકોટ જ્યોતિનગર ચોકમાં ફાયરિંગનો મામલો
• મોડી રાત્રે ફાયરિંગ કેસ મામલે તપાસનો ધમધમાટ
• પૂર્વ MLA ઇન્દ્રનીલ રાજ્યગુરુની વાડીમાં તપાસ 

રાજકોટ ફાયરિંગ કેસ મામલે પોલીસ તપાસનો ધમધમાટ શરુ કર્યો છે. જ્યોતિનગર ચોક વિસ્તારમાં મોડી રાત્રે કરવામાં આવેલા ફાયરિંગ મામલે પોલીસે આરોપી કોંગ્રેસ નેતા અભિષેક તાળા સામે ગુનો નોંધી અભિષેક તાળાની શોધખોળ શરુ કરી છે. પોલીસે આરોપીના ઘર,મિત્રના કારખાનામાં તેમજ પૂર્વ કોંગ્રેસના MLA ઈન્દ્રનીલ રાજ્યગુરુની વાડીમાં પણ તપાસ હાથ ધરી હતી. જો કે હજુ સુધી પોલીસને ફાયરિંગ કરનાર તાળા બંધુઓ વિશે કોઈ માહિતી હાથ લાગી નથી...જો કે ફાયરિંગ બાદ તાળા બંધોઓ ફરાર થઈ ગયા હતા..જેઓને શોધવા માટે પોલીસે સર્ચ ઓપરેશન હાથ ધર્યું છે..

ફાયરિંગ કેસ મામલે તપાસનો ધમધમાટ

ગુરુવારે મોડી રાત્રે રાજકોટ યુનિવર્સિટી પોલીસ મથક વિસ્તારમાં ફાયરિંગની ઘટના સામે આવી, જેમાં જ્યોતિનગર ચોકમાં કોંગ્રેસના આગેવાન અને તેના ભાઈએ પૈસાની લેતી દેતી મામલે પૂર્વ કોંગી કાર્યકર પર ફાયરિંગ કરવામાં આવ્યું હતું. મોડી રાત્રે અભિષેક તાળા અને રાજદીપ તાળા દ્વારા ફાયરિંગ કરાતા પોલીસ કાફલો પણ ઘટના સ્થળે આવી પહોંચ્યો હતો..

50 લાખની લેતી દેતી મામલે કર્યુ હતું ફાયરિંગ

રાજકોટમાં પૂર્વ કોંગી કાર્યકર હર્ષિત જાની પર ફાયરિંગ કરાતા સાંસદ રામ મોકરિયા પણ પહોંચ્યા ઘટનાસ્થળે આવી પહોંચ્યા હતા, મહત્વનું છે કે હર્ષિત જાનીએ બ્રહ્મ સમાજ-પૂર્વ MLA ઇન્દ્રનીલ સાથે જોડાયેલો છે, કોઈ આર્થિક વ્યવહારમાં હર્ષિત જાની 50 લાખની લેતી દેતીના જામીન હોવાનું પણ મનાઈ રહ્યું છે. જેને લઈને તાળા બંધુઓ દ્વારા તેમના પણ ફાયરિંગ કરવામાં આવ્યું હતું.

આરોપીના ઘર, મિત્રના કારખાનામાં પોલીસે કર્યું સર્ચ

હર્ષિત જાની પર ફાયરિંગ કર્યા બાદ તાળા બંધુઓ નાસી છૂટ્યા હતા. ત્યારબાદ હર્ષિતે રાજકોટના એક ઉચ્ચ પોલીસ અધિકારીને ફોન કરીને સમગ્ર ઘટનાથી વાકેફ કરતા યુનિવર્સિટી પોલીસમથક અને ક્રાઈમ બ્રાન્ચનો કાફલો જ્યોતિનગર ચોક દોડી ગયો હતો અને આખી ઘટના શું છે, તેમાં કોણે રૂપિયા ચુકવવાના છે અને કેટલા તે સહિતના મુદ્દે તપાસ શરૂ કરી છે.

યુનિવર્સિટી પોલીસે વધુ તપાસ શરૂ કરી

જોકે આ બનાવની જાણ થતા રાજ્ય સભાના સાંસદ રામભાઈ મોકરિયા પણ જ્યોતિનગર ચોક પહોંચ્યા હતા અને ઘટના અંગે જાણકારી મેળવી હતી.ફાયરિંગની ઘટના હોવા છતાં એક પોલીસ અધિકારીએ સમાધાનના પ્રયાસ શરૂ કર્યા હતા પરંતુ તાળા બંધુઓ ફાયરિંગ કરીને ભાગ્યા તેમજ ઝઘડો થયો તે સહિતની તમામ ગતિવિધિ બાજુમાં આવેલા એક રેસ્ટોરન્ટના સીસીટીવીમાં કેદ થઈ ગઈ છે.