ભાવનગરના પૂર્વ મેયર અને કોંગ્રેસના મહિલા કોર્પોરેટરને મહિલા પોલીસે માર માર્યો છે. કોર્પોરેટરને ઈજા થતા હોસ્પિટલમાં તેઓને સારવાર અર્થે ખસેડાયા છે. તંત્રએ જેલ રોડ પર જગ્યા ખાલી કરાવતા કોંગ્રેસના કાર્યકરોએ વિરોધ નોંધાવ્યો હતો. આ વિરોધ પ્રદર્શનમાં મહિલા કોર્પોરેટર જોડાયા હતા.
ભાવનગર (Bhavnagar) ના પૂર્વ મેયર અને કોંગ્રેસના મહિલા કોર્પોરેટર (congress woman corporator) ને મહિલા પોલીસે માર માર્યો છે. કોર્પોરેટરને ઈજા થતા હોસ્પિટલમાં તેઓને સારવાર અર્થે ખસેડાયા છે. તંત્રએ જેલ રોડ પર જગ્યા ખાલી કરાવતા કોંગ્રેસના કાર્યકરોએ વિરોધ નોંધાવ્યો હતો. આ વિરોધ પ્રદર્શનમાં મહિલા કોર્પોરેટર જોડાયા હતા. આ દરમ્યાન મહિલા પોલીસકર્મી સાથે કોર્પોરેટરની બોલાચાલી થઇ હતી. ત્યારે એવા સમયે ઉગ્ર બોલાચાલી થતા મહિલા પોલીસે કોર્પોરેટરને પોલીસે લાફા ઝીંકી દીધા હતા. આ દરમિયાન તેઓ ઈજાગ્રસ્ત થયા હતા. જેથી તેમને સારવાર માટે હોસ્પિટલમાં ખસેડાયા હતા.
પારૂલબેન ત્રિવેદીને ઇજાગ્રસ્ત હાલતમાં સારવાર માટે સર ટી હોસ્પિટલમાં ખસેડવામાં આવ્યા છે. તમને જણાવી દઇએ કે હાલમાં કાન, નાક અને ગળાના વિભાગમાં ઓપીડીમાં તેઓ સારવાર હેઠળ છે. તેઓ ભાવનગરમાં જ રહે છે અને તેઓ જે તે સમયે મેયર હતા ત્યારે તેઓ ભાજપમાં હતા. જેલ રોડ પર તંત્રએ દબાણ હટાવવાની કામગીરી દરમિયાન ઘર્ષણ થતાં કોંગ્રેસના કોર્પોરેટર પારૂલબેન ત્રિવેદીને પોલીસે માર માર્યો હતો.