બોમ્બે હાઈકોર્ટનું કહેવુ છે કે, મોડી રાત સુધી ઘરની બહાર રસ્તા પર ફરતા લોકોને સવાલ કરવાનો પોલીસને પુરેપુરો અધિકાર છે.
બોમ્બે હાઈકોર્ટનું કહેવુ છે કે, મોડી રાત સુધી ઘરની બહાર રસ્તા પર ફરતા લોકોને સવાલ કરવાનો પોલીસને પુરેપુરો અધિકાર છે. કોર્ટમાં ત્રણ વર્ષ જૂના કેસમાં સુનાવણી કરી હતી, જેમાં એક શખ્સ વિરુદ્ધ નશામાં ગાડી ચલાવવી અને પોલીસથી ભાગવાનો આરોપ લગાવામાં આવ્યો છે. મામલામાં પોલીકર્મીએ FIR નોંધી હતી. હવે કોર્ટે આ વ્યક્તિ વિરુદ્ધ નોંધેલી ફરિયાદ રદ કરવાની ના પાડી દીધી છે.
ચેકીંગ દરમિયાન ગાડી લઈને ભાગી ગયો
એક રિપોર્ટ્સમાં જણાવ્યા અનુસાર, 2 ફેબ્રુઆરી 2019ના સબ ઈંસ્પેક્ટરે FIR નોંધાવી હતી. પોલીસકર્મી તે દરમિયાન વિલે પાર્લેમાં નશામાં વાહન ચલાવનારા લોકોની તપાસ કરવા માટે તૈનાત હતા. મોડી રાતે 1.50 કલાકે ત્યાંથી એક ડ્રાઈવર પસાર થયો. રોકવાની કોશિશ કરી તો તેણે બેરિકૈડ તોડીને ગાડી મારી મુકી હતી. જો કે, પોલીસે તેનો પીછો કર્યો અને અંધેરી પોલીસ પાસે તેને પકડી પાડ્યો હતો.
બે ગાડીમાં સાત લોકો બેઠા હતા
ત્યારે પોલીસને ખબર પડી કે, બે કારમાં સાત લોકો બેઠા હતા. તેમાં બે મહિલાઓ પણ હતી. પોલીસનું કહેવુ છે કે, પહેલી કારનો ડ્રાઈવર નશામાં હતો અને તપાસ કરવાની ના પાડી રહ્યો હતો. એટલુ જ નહીં તેણે લાંચ આપવાની પણ કોશિશ કરી હતી. રિપોર્ટ્સમાં જણાવ્યા અનુસાર તપાસમાં યુવક પોઝિટિવ આવ્યો હતો અને તેની પાસે ડ્રાઈવિંગ લાયસન્સ પણ નહોતું.
પોલીસ સાથે ગાળાગાળી કરી
ત્યાર બાદ ગ્રુપે પોતાના ફોનમાંથી વીડિયો શૂટ કરવાની કોશિશ કરી અને દંડ ભરવાની પણ ના પાડી દીધી હતી. આ દરમિયાન બંને પક્ષ વચ્ચે ઝપાઝપી થઈ હતી. FIRમાં આરોપ લગાવામાં આવ્યો છે કે, 7 લોકોએ પોલીસ સાથે ગેરવર્તન કર્યું અને ઘટનાસ્થળેથી ભાગીને ત્યાં હાજર લોકો સાથે મારામારી પણ કરી હતી.
વકીલે કર્યો આ બચાવ
મામલામાં અરજીકર્તાના વકીલ રોહિની વાધે કલમો પર સવાલ ઉઠાવ્યા હતા. રિપોર્ટ્સ અનુસાર તે બીજી કારમાં હતા અને પહેલી કારમાંથી મહિલાઓને ઉતાર્યા બાદ સીટ બદલી દીધી હતી. કહેવાય છે કે, યુવકે દારૂ નહોતો પીધો. વકીલે એવુ પણ કહ્યું કે, અરજીકર્તાએ નવું કામ કર્યું છે, અને તેનો કોઈ ગુનાહિત ઈતિહાસ પણ નથી.
કોર્ટે કહ્યું તેનાથી કોઈ ફરક નથી પડતો
કોર્ટનું કહેવુ છે કે, એ વાતથી કોઈ ફરક નથી પડતો કે, અરજી કર્તા અલગ કારમાં બેઠો હતો અને પહેલી કારમાં બેઠેલી મહિલા સાથે સીટ બદલી લીધી હતી. તેમણે કહ્યું કે, આ ધ્યાન રાખનારી બાબત છે કે, તેમ છતાં પણ પોલીસ સાથે ગાળાગાળી અને મારામારી કરી હતી.