શ્રદ્ધા મર્ડર કેસમાં દિલ્હી પોલીસને હજુ સુધી હત્યામાં વપરાયેલ હથિયાર, શરીરના કેટલાય ભાગો અને મોબાઈલ ફોન પણ મળ્યા નથી.
શ્રદ્ધા મર્ડર કેસમાં દિલ્હી પોલીસને હજુ કેટલાય પુરાવા મળ્યા નથી
CFSL નાં હાથે મહત્વના પુરાવા હાથ લાગ્યા
રિપોર્ટ આવવામાં 2 અઠવાડિયા જેટલો સમય લાગશે
શ્રદ્ધા મર્ડર કેસમાં હજુ વધુ ખુલાસા સામે આવી રહ્યા છે. ત્યારે CFSL નાં હાથે મહત્વના પુરાવા હાથ લાગ્યા છે. અગાઈ FSL ને રસોડામાંથી લોહીના કેટલાક ડાઘા પણ મળ્યા હતા. અગાઉ CFSL ને ટાઈલ્સ વચ્ચેની ગેપમાંથી ખૂબ જ મહત્વના પુરાવા મળ્યા છે. જે તપાસ માટે મોકલવામાં આવ્યા છે. પોલીસનું કહેવું છે કે તપાસનો રિપોર્ટ આવવામાં લગભગ 2 અઠવાડિયા જેટલો સમય લાગશે. CFSL એ પુરાવા એકત્ર કર્યા છે
આ કેસમાં FSL ની તપાસ ઉપરાંત પોલીસે વધુ આધુનિક ટેકનોલોજીથી સજ્જ CFSL પાસેથી પુરાવા એકત્ર કર્યા છે. CFSL તરફથી રિપોર્ટ મેળવવામાં લગભગ 2 અઠવાડિયા લાગશે. આ ઉપરાંત આફતાબનો પોલીગ્રાફ ટેસ્ટ કરાવવા માટે પણ પોલીસ સંપૂર્ણ રીતે તૈયાર છે. પોલીસ સતત તબીબોના સંપર્કમાં છે.
શ્રદ્ધા અને આફતાબનું ઘણી વખત બ્રેકઅપ થયું
તપાસમાં એ પણ સામે આવ્યું છે કે આફતાબ અને શ્રદ્ધાના એક કોમન ફ્રેન્ડ છે. આ સિવાય શ્રદ્ધા અને આફતાબનું ઘણી વખત બ્રેકઅપ થયું હતું, ત્યારબાદ સમાધાન થયા બાદ તેઓ સાથે રહેતા હતા. હવે આ કેસમાં એક પછી એક પુરાવા સામે આવી રહ્યા છે. પોલીસ નાર્કો ટેસ્ટની રાહ જોઈ રહી છે, જેમાં આફતાબ પાસેથી સમગ્ર સત્ય બહાર આવશે.
આફતાબે પુરાવાનો નાશ કર્યો
અત્યાર સુધી તપાસમાં એ વાત સાફ થઈ ગઈ છે કે આફતાબ અત્યાર સુધી મોટા ભાગનાં સુરાગ મીટાવી દીધા છે. છ મહિનામાં કેટલાય સુરાગને તેણે મીટાવવાનો પ્રયત્ન પણ કર્યો છે. હાલમાં જ દિલ્લી પોલીસ એક પછી એક તમામ કડીઓ ખોલી રહી છે. શ્રદ્ધા અને આફતાબના મિત્રોની પણ પૂછપરછ કરવામાં આવી રહી છે.