ચકચારી કેસ / હું મરી જઈશ: સ્વિટી પટેલની Whatsapp ચૅટ સામે આવી, પતિ PI દેસાઈ પર થશે આ કાર્યવાહી

• વડોદરામાં PI અજય દેસાઈની પત્ની ગુમ થવા મામલે ખુલાસો
• LCBને મોબાઈલ ચેટના કેટલાક પુરાવા મળ્યા
• સ્વિટી પટેલ અને અજય દેસાઈ વચ્ચે થયો હતો ઝઘડો

વડોદરામાં PI અજય દેસાઇની પત્ની ગુમ થવા મામલે ખુલાસો થયો છે. LCBને મોબાઈલ ચેટના કેટલાક પુરાવા મળ્યા છે. સ્વિટી પટેલ અને અજય દેસાઈ વચ્ચે ઝઘડો થયો હતો તેવા ચેટના પુરાવા મળ્યા છે. સ્વિટી પટેલની વોટસએપ ચેટ પોલીસને મળી છે. ચેટમાં સ્વિટી પટેલ અજય દેસાઈને ઘર છોડીને જવાનું કહેતી હતી. હું મરી જઈશ તેવી ચેટ પણ પોલીસને મળી આવી છે. પોલીસે વધુ પુરાવા મેળવવા તપાસ શરૂ કરી છે. પોલીસ DNA ટેસ્ટના રિપોર્ટની રાહ જોઈ રહી છે.

દહેજના અટાલીમાંથી મળેલા અવશેષનો રિપોર્ટ થોડા દિવસમાં આવશે

મહત્વનું છે કે, પોલીસને દહેજના અટાલી નજીક 3 માળના અવાવરુ મકાન પાછળથી કેટલાક હાડકા મળ્યા તેને FSLમાં મોકલવામાં આવ્યા છે. આ હાડકાઓના અવશેષો અને સ્વિટી પટેલના 2 વર્ષના બાળકના સેમ્પલ FSLમાં મોકલીને પોલીસ DNA ટેસ્ટ કરાવ્યો છે. જેનો રિપોર્ટ 5 દિવસમાં આવે તેવી સૂત્રો દ્વારા માહિતી મળી રહી છે. 

સ્વિટી પટેલના પતિ PI અજય દેસાઈ પર થશે કાર્યવાહી?

• સ્વિટી પટેલ છેલ્લા 40 દિવસથી રહસ્યમય રીતે ગુમ છે
• વડોદરા જિલ્લાના સ્પેશિયલ ઓપરેશન ગ્રૂપમાં PI એ.એ.દેસાઈની પત્ની છે સ્વીટી પટેલ
• છેલ્લા 40 દિવસથી રહસ્યમય રીતે ગુમ થતાં સર્ચ ઓપરેશન શરૂ કરાયું હતું
• પોલીસને દહેજના અટાલી પાસેથી અવાવરુ બિલ્ડિંગમાંથી સળગેલા હાંડકા મળ્યા
• હાડકાંના નમૂના એકત્ર કરીને FSLમાં મોકલવામાં આવ્યા
• હાડકા યુવાન વય અને મધ્યમ ઉંમરની વ્યક્તિનાં હોવાનું તારણ 
• પોલીસે PI દેસાઇ તથા 2 વર્ષની દીકરીના સેમ્પલ લઇને FSL મોકલ્યા
• પોલીસે DNAએ  ટેસ્ટ કરાવ્યો, હવે રિપોર્ટની જોવાઈ રહી છે રાહ
• આગામી ચારથી પાંચ દિવસમાં રીપોર્ટ આવ્યા બાદ પ્રકરણમાં મોટો ખુલાસો થઈ શકે
• મંગળવાર રાતથી PI દેસાઇનો પોલિગ્રાફ ટેસ્ટ શરૂ કરાયો
• આગામી દિવસોમાં PI દેસાઇનો નાર્કો ટેસ્ટ પણ કરાવાશે.
• PI દેસાઇનું મોબાઇલ લોકેશન પણ અટાલી ગામ આસપાસ મળ્યું હતું
• PI અને પત્ની સ્વીટીની વોટ્સએપ ચેટ પોલીસના હાથ લાગ્યું
• વોટ્સએપ ચેટમાં સ્વીટી PIને કહે છે કે, હું જતી રહીશ, મરી જઇશ

દહેજના અટાલી ગામની એક ઈમારત પાસેથી મળ્યા કેટલાક અવશેષ

મહત્વનું છે કે, વડોદરાના PI અજય દેસાઈના પત્ની ગુમ થવાના મામલે પોલીસને શંકાસ્પદ માનવ અવશેષ મળ્યા હતા. એક પોલીસકર્મીના પત્ની સ્વિટી પટેલ છેલ્લા ઘણા સમયથી ગુમ છે. જેને લઈ રાતદિવસ પોલીસ તપાસનો ધમધમાટ શરૂ કર્યો છે. દહેજના અટાલી ગામ પાસે અવાવરૂ જગ્યાએથી આ માનવ અવશેષ મળ્યા છે. બિલ્ડિંગ પાછળથી મળી આવ્યા છે શંકાસ્પદ અવશેષ તપાસ માટે એફએસએલમાં મોકલાયા છે. મળેલ અવશેષોનો DNA ટેસ્ટ પણ કરવામાં આવશે. અવશેષ સ્વિટી પટેલના હોવાનું પોલીસ અનુમાન લગાવી રહી છે. જો કે, FLS અને ડીએનએ રિપોર્ટ બાદ જ સત્ય હકીકત સામે આવશે.

વડોદરાના PI અજય દેસાઈની પત્ની ગુમ થવા મામલે પોલીસે તપાસનો ધમધમાટ શરૂ કર્યો છે જેમાં ઈઝરાયલની સિસ્ટમની મદદથી FSL દ્વારા તપાસ કરવામાં આવી રહી છે થોડા દિવસ અગાઉ ગાંધીનગર FSL ખાતે અજય દેસાઈનો SDS ટેસ્ટ કરવામાં આવ્યો ટેસ્ટ પહેલા અજય દેસાઈની સ્વૈચ્છિક મંજૂરી પણ લેવામાં આવી હતી સસ્પેક્ટેડ ડિટેક્શન ટેસ્ટમાં ઓડિયો સાંભળતા સમયે શંકાસ્પદ વ્યક્તિના પરસેવાને આધારે ટેસ્ટ કરવામાં આવે છે. આ ટેસ્ટ થયા બાદ બે દિવસમાં FSL રિપોર્ટ જાહેર કરશે.

મહત્વનું છે છેલ્લા એક મહિનાથી PI અજય દેસાઈના પત્ની સ્વિટી પટેલ ગુમ છે જેમા સ્વિટી પટેલના ગુમ થવામાં પતિ અજય દેસાઈની ભૂમિકા પર શંકા સેવાઈ રહી છે ત્યારે અજય દેસાઈનો SDS ટેસ્ટ કરવામાં આવ્યો હતો.

વડોદરાના PI અજય દેસાઈની પત્ની ગુમ થવા મામલે પોલીસે તપાસનો ધમધમાટ શરૂ કર્યો છે. જેમાં ઈઝરાયલની સિસ્ટમની મદદથી FSL દ્વારા તપાસ કરવામાં આવી રહી છે. ગાંધીનગર FSL ખાતે અજય દેસાઈનો SDS ટેસ્ટ કરવામાં આવ્યો હતો. ટેસ્ટ પહેલા અજય દેસાઈની સ્વૈચ્છિક મંજૂરી પણ લેવામાં આવી હતી. સસ્પેક્ટેડ ડિટેક્શન ટેસ્ટમાં ઓડિયો સાંભળતા સમયે શંકાસ્પદ વ્યક્તિના પરસેવાને આધારે ટેસ્ટ કરવામાં આવે છે. આ ટેસ્ટ થયા બાદ બે દિવસમાં FSL રિપોર્ટ જાહેર કરાશે. મહત્વનું છે કે, છેલ્લા એક મહિનાથી PI અજય દેસાઈના પત્ની સ્વીટી પટેલ ગુમ છે. જેમા સ્વિટી પટેલના ગુમ થવામાં પતિ અજય દેસાઈની ભૂમિકા પર શંકા સેવાઈ રહી છે. ત્યારે અજય દેસાઈનો SDS ટેસ્ટ કરવામાં આવ્યો હતો.