રાજકોટ / સ્પાની આડમાં ચાલતું હતું કુટણખાનું, પોલીસે રેડ કરીને કર્યો પર્દાફાશ, 2 સ્પાના કુલ 5 સંચાલકોની ધરપકડ

• રાજકોટમાં સ્પાની આડમાં ચાલતું હતું કુંટણખાનું 
• પોલીસે રેડ કરીને બે સ્પાનો કર્યો પર્દાફાશ 
• બંન્ને સ્પાના કુલ 5 સંચાલકોની ધરપકડ 

રાજ્યમાં સ્પાની આડમાં ચાલતા કુટણખાના વધી રહ્યા છે. જેમા ખાસ કરીને મોટા શહેરોમાં આ કુટણખાના ચાલતા હોય છે. કોરોના મહામારીને કારણે છેલ્લા અમુક મહિનાઓથી સ્પા પાર્લરો બંધ કરવામાં આવ્યા હતા. પરંતુ પ્રતિબંધ હટતાની સાથેજ આ બધાજ સ્પા પાર્લરો ફરીથી શરૂ થયા છે. જે હવે એક ચિંતાનો વિષય બન્યો છે. 

રેડ સમયે પોલીસને કુટણખાનાની માહિતી મળી 

તાજેતરમાંજ રાજકોટ પોલીસે શેહરમાં સ્પાની આડમાં ચાલતા કુંટણખાનાનો પર્દાફાશ કર્યો છે. જેને લઈને હવે શહેરમાં ચકચાર મચી જવા પામી છે. શહેરના જુદા જુદા સ્પામાં પોલીસે દરોડા પાડ્યા હતા. જેમા 2 સ્પા સેન્ટરમાં પોલીસે રેડ કરી ત્યારે સામે આવ્યું કે આરોપીઓ ત્યા કુટણખાનું ચલાવતા હતા. 

બંન્ને સ્પાના કુલ 5 સંચાલકોની ધરપકડ 

રાજકોટના ધ રોયલ મિન્ટ સ્પા અને ધ રોયલ ફેમેલી સ્પામાં પોલીસે રેડ કરી હતી. જેમા રેડ સમયે સામે આવ્યું કે આરોપીઓ સ્પાની આડમાં કુટણખાનું ચલાવી રહ્યા હતા. જેથી પોલીસએ આ મામલે બંને સ્પાના કુલ 5 સંચાલકોની ધરપકડ કરી છે. જેમને તેમની કરતૂતને કારણે આજે જેલના સળીયા ગણવાનો વારો આવ્યો છે. 

પોલીસે આરંભી કાયદેસરની કાર્યવાહી 

ઉલ્લેખનીય છે કે સમગ્ર મામલે માલવીયા પોલીસ અને યુનિ પોલીસે આરોપીઓને ઝડપી પાડ્યા છે અને તેમની સામે કાયદેસરની કાર્યવાહી હાથ ધરી છે. પોલીસે આરોપીઓની પુછપરછ કરી રહી છે. જેમા આ આરોપીઓ કેટલા સમયથી આ સ્પા ચલાવતા હતા અને યુવતીઓ તેમણે ક્યાથી બોલાવી હતી તે તપાસનો વિષય બન્યો છે.