ઉત્તરપ્રદેશમાં ડીએસપીએ એક ગરીબ યુવતીને બહેન બહાવીને તેના ધામધૂમથી લગ્ન કરાવ્યા અને લગ્નની બધી જ વ્યવસ્થા પણ પોલીસકર્મીઓ દ્વારા જ કરવામાં આવી હતી.
DSPએ ગરીબ યુવતીને બહેન બનાવી કરાવ્યા લગ્ન
ઉત્તરપ્રદેશની ઘટના
લગ્નની બધી જ વ્યવસ્થા પોલીસકર્મીઓ દ્વારા કરવામાં આવી હતી
DSPએ ગરીબ યુવતીને બહેન બનાવી કરાવ્યા લગ્ન
ઉત્તરપ્રદેશનાં ચંદૌલીમાં ડીએસપીએ એક ગરીબ યુવતીનાં ધામધૂમથી લગ્ન કરાવ્યા છે, જેમાં વધૂનાં પક્ષ તરફથી લગ્નનાં બધા રિવાજોને પોલીસકર્મીઓ દ્વારા નિભાવવામાં આવ્યા હતા. ચંદૌલી પોલીસ દ્વારા કરાવવામાં આવેલા આ દહેજ વગરનાં લગ્નમાં જીલ્લાનાં અધિકારીઓની સાથે સાથે આસપાસનાં ઘણા લોકોએ પણ હાજરી આપી અને વર- વધૂને આશીર્વાદ આપ્યા હતા.
ચંદૌલી સકલહિડા સર્કલમાં તેનાત ડિપ્ટી એસપી અનિરુદ્ધ સિંહને જાણકારી મળી કે આવાજાપુર ગામની શિખા યાદવનાં લગ્ન પૈસાને કારણે નથી થઇ રહ્યા. કેમકે શિખાનાં પિતા ઘણા ગરીબ છે અને દહેજ ચૂકવી શકે તેમ નથી. ડિપ્ટી એસપી અનિરુદ્ધ સિંહે પોતાના સહયોગીઓ સાથે વાતચીત કરી અને શિખા યાદવના લગ્નની જવાબદારી પોતે લીધી.
લગ્નની બધી જ વ્યવસ્થા પોલીસકર્મીઓ દ્વારા કરવામાં આવી હતી
ત્યાર બાદ પોલીસે શિખા યાદવ સાથે લગ્ન માટે યુવકની તપાસ કરી અને 23 એપ્રિલનાં રોજ ચંદૌલીનાં રહેવાસી સૌરભ નામના યુવક સાથે લગ્ન નકકી થયા. ડિપ્ટી એસપી અનિરુદ્ધ સિંહ અને તેના સહકર્મીઓએ આ લગ્નની તૈયારી અને ખાવા પીવાથી લઈને લગ્નમાં આપવા માટે ભેંટ બધી જ વ્યવસ્થા કરી.
વધૂનાં ભાઈ બન્યા પોલીસકર્મી
જાન જ્યારે લગ્નનાં આયોજન સ્થળ સુધી પહોંચી, તો બધા જ પોલીસકર્મી હાથોમાં માળા લઈને જાનૈયાનું સ્વાગત કરવા ઉભા હતા. ત્યાર બાદ પોલીસકર્મીઓએ સન્માન સાથે જાનનું સ્વાગત કર્યું હતું. જ્યારે વરમાળાનો સમય આવ્યો તો ત્યાં DSP સહીત અન્ય પોલીસકર્મીઓ વધૂનાં ભાઈના રૂપમાં જોવા મળ્યા અને પરંપરાગત રીતે વધૂને સ્ટેજ પર પહોંચાડવામાં આવી. વરમાળાનાં રિવાજ બાદ જીલ્લાનાં અન્ય અધિકારીઓ અને સામેલ થયેલા લોકોએ વર વધૂને આશીર્વાદ આપ્યા અને સફળ દાંપત્ય જીવનની કામના કરી. કન્યા શિખા, વર સૌરભ અને તેમનો પરિવાર આ લગ્નથી ખુશ હતો. લગ્નમાં હાજરી આપવા આવેલા લોકોએ પણ પોલીસના આ પગલાની પ્રશંસા કરી હતી.
લગ્નમાં હાજરી આપવા આવેલા દીનદયાલ નગરના રહેવાસી અરવિંદ કુમારે કહ્યું કે પોલીસનું આ પગલું સરાહનીય છે. તેવી જ રીતે અન્ય લોકોએ પણ ગરીબોની મદદ માટે આગળ આવવું જોઈએ.