યૂપી પોલીસે ગુનાખોરી ડામવા માટે હવે નવો કિમીયો અપનાવ્યો છે. રાતે પેટ્રોલિંગ કરી રહેલી યૂપી પોલીસની ડાયલ 100 પી.આર.વી. ગાડીમાં એક નવી સાયરન લગાવવામાં આવી છે. જેમાં જાગતે રહો..જાગતે રહો..ની સાયરન વાગે છે. લખનઉની હજરતગંજ પોલીસે આ સાયરનનો પ્રયોગ પણ શરૂ કરી દીધો છે.
ઉલ્લેખનીય છે કે, હવે યૂપીમાં રાતે હાથમાં લાકડી સાથે ચોકીદાર નહીં પણ પોલીસ લોકોને જાગતે રહો કહેતી નજરે પડશે. યોગી સરકારે પોતાને સામાન્ય નાગરિકો સાથે જોડવા માટે આ નવતર પ્રયોગ કર્યો છે. આ પ્રોજેક્ટને હાલ પાયલટ પ્રોજેક્ટ તરીકે શરૂ કરવામાં આવ્યો છે અને પોલીસ સમગ્ર વિસ્તારમાં લોકોને જાગ્રૃત કરી રહી છે. યૂપી પોલીસનું માનવું છે કે પોલીસની આ પહેલથી ગુનાખોરી પર થોડી ગણી લગામ જરૂર લાગશે.
#WATCH Dial-100 Police Response Vehicle (PRV)'s siren plays tune of "Jagte Raho"(stay awake) in Lucknow. Abhay Mishra,Circle Officer,Hazratganj:The tune will be played in PRVs all night to alert the public, like watchmen used to do. It has started in Hazratganj as a pilot project pic.twitter.com/ibDwMxTryh
પહેલનો અનોખો પ્રયોગ
આપને જણાવી દઇએ કે, ઉત્તર પ્રદેશ પોલીસ સાયરનમાં જાગતે રહોની સાયરન પહેલા 19 જૂનના રોજ આઝમગઢના લોકોને ગુલાબ ફુલ આપ્યા હતા. ખુદ DM, SP, પોતે ગલીઓમાં ફરીને લોકોને ગુલાબ આપતા નજરે ચડ્યા હતા. પોલીસના જણાવ્યા મુજબ, આ પ્રકારના પગલા પાછળનો હેતું લોકોનો પોલીસ પર ભરોસો વધારવાનો છે.
નોંધનીય છે કે, ઉત્તરપ્રદેશના મુખ્યમંત્રી યોગી આદિત્યનાથે પોલીસના ઉચ્ચ અધિકારીઓ સાથે એક બેઠક યોજી હતી અને આ બેઠકમાં તેમણે કાયદોને વ્યવસ્થા યોગ્ય ગોઠવાય તેવી માંગણી કરી હતી. ત્યારબાદ સમગ્ર રાજ્યમાં પોલીસ પેટ્રોલિંગમાં વધારો થયો છે.