અમદાવાદ / બાવળામાં પ્રેમિકાની હત્યા મામલે પોલીસે 2 શખ્સોની કરી અટકાયત

મળતી માહિતી મુજબ પ્રેમીકા મિત્તલના 26 તારીખે લગ્ન હતા, પરંતુ એક તરફી પ્રેમમાં પાગલ કેતન વાઘેલાને તેના લગ્ન થવાએ પસંદ ન હતુ. મિત્તલ બુધવારે સાંજે પોતાની બહેન સાથે લગ્નની ખરીદી માટે આવી હતી ત્યારે કેતન તેના બે મિત્રો સાથે બાઈક લઈને પહોંચ્યો હતો.

આ દરમિયાન કેતને અને તેના મિત્રોએ મિત્તલને જબરદસ્તી બાઈક પર બેસાડવાનો પ્રયાસ કર્યો. બાઈક પર બેસવાનો મિત્તલે વિરોધ કરતા કેતને મિત્તલ પર તીક્ષ્ણ હથિયારથી હુમલો કર્યો. આ દરમિયાન મિત્તલ ગંભીર રીતે ઈજાગ્રસ્ત થઈ હતી. જે બાદ મિત્તલને ઈજાગ્રસ્ત હાલતમાં સારવાર માટે હોસ્પિટલ ખસેડવામાં આવી. જ્યાં તબીબોએ તેને મૃત જાહેર કરી હતી.