ભાવનગરઃ પાડવા ગામે 20 વર્ષ જૂનો જમીન સંપાદનનો મામલો આજે ઉગ્ર બન્યો

ભાવનગરઃ પાડવા ગામે ગુજરાત પાવર કોર્પોરેશન દ્વારા 20 વર્ષ પહેલા કરાયેલી જમીન સંપાદનનો મામલો હવે ઉગ્ર બન્યો છે. કંપનીએ અત્યાર સુધી અહીં કંઇ કામ કર્યુ નથી. હવે કંપની જમીન સંપાદન કરવા જઇ રહી હોવાથી ખેડૂતોમાં રોષ ફેલાયો છે. વિરોધને પગલે પડવા ગામે પોલીસનો ચુસ્ત બંદોબસ્ત ગોઠવાયો છે. 

ભાવનગર ઉપરાંત બોટાદ અમરેલીની પોલીસને બંદોબસ્તમાં બોલાવાઇ છે. સમગ્ર મામલે ખેડૂત આગેવાનોએ કોન્ફરન્સ યોજી હતી. જયાં ખેડૂતોએ જણાવ્યું હતું કે જો સરકાર સત્તાના જોરે જમીન સંપાદન કરશે તો અમે ઉપવાસ આંદોલન કરીશું. અને બાળકોના શૈક્ષણિક કાર્યનો બહિષ્કાર કરીશું. સાથે ખેડૂતોએ આત્મવિલોપનની ચીમકી ઉચ્ચારી હતી.



ભાવનગરના પડવા ગામે GPCL સામે આંદોલનનો મામલો વધુ ઉગ્ર બન્યો છે. આંદોલન કરી રહેલા ખેડૂતો પર પોલીસે હળવો લાઠીચાર્જ કર્યો હતો. પોલીસે ટીયર ગેસના સેલ પણ છોડયા હતા. અને પોલીસે આંદોલન કરતા 100થી વધુ ખેડૂતોની અટકાયત કરી હતી.