અમદાવાદ / ‘હેલ્લારો’ ફિલ્મ વિવાદમાં, ડાયરેક્ટર સહિત 7 લોકો સામે નોંધાઇ ફરિયાદ

• હેલ્લારો ફિલ્મ વિવાદમાં 
• ડારેકટર સહિત 7 લોકો સામે ફરિયાદ

નોંધનીય છે કે, અમદાવાદના દાણીલીમડા વોર્ડના કોંગ્રેસના કોર્પોરેટર જમનાબેન વેગડા ગત રવિવારે રાત્રે હેલ્લારો ફિલ્મ જોવા ગયા હતા. ફિલ્મમાં એક ઢોલી ગામમાં આશરો લેવા ગામના મુખીને મળી અને ખુશીમાં ઢોલ વગાડે છે. મુખી તેના માણસને ઘી આપી રવાના કરવા કહે છે પરંતુ ઢોલી તેને ઘી નહીં આશરો લેવા આવ્યો હોવાનું કહે છે. જેથી મુખી ઢોલીને નામ પૂછતાં પોતાનું નામ મૂળજી હોવાનું કહે છે.  

ચોક્કસ જ્ઞાતિને નીચે દેખાડવાનો કરાયો પ્રયાસ 

જો કે ત્યારબાદ તરજ જ ગામના મુખીએ મૂળજી એટલે કેવા એમ પૂછ્યું હતું જેથી ઢોલીએ પોતે એક ચોક્કસ જાતિના હોવાની વાત કરી હતી. ત્યારે આ ઘટનાને લઇને કોંગ્રેસના કોર્પોરેટર જમનાબેન વેગડાનો આક્ષેપ છે કે ફિલ્મમાં સરકાર દ્વારા પ્રતિબંધિત કરવામાં આવેલા શબ્દનો ઉલ્લેખ કરી જાતિનું અપમાન કરવામાં આવેલ છે. 

ફિલ્મના નિર્માતા સામે નોંધાયો ગુનો 

ત્યારે દાણીલીમડાના કોંગ્રેસી નેતાએ હેલ્લારો ફિલ્મના દિગ્દર્શક અભિષેક શાહ, ડાયરેક્ટર આશિષ સી પટેલ, નીરવ સી પટેલ, આયુષ પટેલ, મિત જાની, પ્રતિક ગુપ્તા, ડાયલોગ લખનાર સૌમ્ય જોશી સહિતના લોકો સામે ફરિયાદ નોંધવતા કાગડાપીઠ પોલીસે ગુનો નોંધી તપાસ શરૂ કરી છે.