દોઢ વર્ષ પહેલા ટ્રાફિક મેમોથી શરૂ થયેલી PSI અને યુવતીની લવસ્ટોરી લગ્નના છ માસમાં ભંગાણને આરે આવીને ઉભી છે. યુવતીએ મહિલા પશ્ચિમ પોલીસ સ્ટેશનમાં PSI પતિ સાગર આચાર્ય સહિત 4 સાસરિયાં વિરુદ્ધ ફરિયાદ નોંધાવી. જેમા PSI એ હત્યાની કોશિષ કરી હોવાનો આક્ષેપ કર્યો છે.
ટ્રાફિક મેમોથી શરૂ થયેલી લવસ્ટોરીનો કરૂણ અંજામ
PSI પતિ સાગર આચાર્ય વિરૂદ્ધ ફરિયાદ
PSIએ હત્યાની કોશિષ કરી હોવાના આક્ષેપ
ગોદરેજ ગાર્ડન સિટી ખાતે વૃંદાવન ફ્લેટમાં રહેતી 34 વર્ષિય વંદનાએ ( નામ બદલ્યું છે. ) PSI પતિ સાગર આચાર્ય, સાસુ શારદાબેન, સસરા બાબુલાલ અને નણંદ ગાયત્રીબેન વિરુદ્ધ મહિલા પોલીસ સ્ટેશનમાં ફરિયાદ નોંધાવી છે. ફરિયાદમાં આક્ષેપ કર્યો છે કે, દોઢ વર્ષ પહેલા કારગીલ પેટ્રોલ પંપ પાસે PSI સાગર આચાર્ય સાથે ટ્રાફિક મેમો ને લઈ મુલાકાત થઈ હતી બાદમા એક વર્ષ પછી મહિલા એ પોતાના પતિને છુટાછેડા આપી PSI સાથે લગ્ન કર્યા હતા.
ત્રાસ વધતા મામલો પોલીસ મથક સુધી પહોચ્યો
લગ્નના બીજા દિવસે વંદનાને ખબર પડી કે, પતિ સાગરના પણ અગાઉ લગ્ન અને છૂટાછેડા થયા હતા. પહેલી પત્નીથી તેને એક સંતાન પણ છે. જોકે વંદનાએ કોઈ વાત આગળ વધારી નહી. લગ્નના 20 દિવસમાં કપડાં પહેરવા બાબતે વંદનાને પતિ સાથે મોટો ઝઘડો થયો હતો. બાદમા ત્રાસ વધતા મામલો પોલીસ મથક સુધી પહોચ્યો છે.
PSI સાગર આચાર્ય અમદાવાદ ટ્રાફિક વિભાગ માં ફરજ બજાવે છે
PSI સાગર આચાર્ય અમદાવાદ ટ્રાફિક વિભાગ માં ફરજ બજાવે છે. ટ્રાફિક નિયમનનો ભંગ કરવા બદલ 6 મહિના પહેલા રુચિતાને psi પકડી હતી.. અને આ દરમ્યાન થયેલી તકરાર બાદ બન્ને એકબીજા ના નજીક આવ્યા. PSIના પ્રેમ માં પાગલ વંદનાએ પતિને પણ છૂટાછેડા આપી દીધા. એટલું જ નહીં psi સાથે લગ્ન બાદ લાજ કાઢવા બાબતે. કપડા પહેરવા જેવી અલગ અલગ બાબતે સાસુ-સસરા તકરાર કરતા હતા. PSI પતિ દારૂ પીને ઘરે આવી રૂચિતા જોડે મારઝૂડ કરતો. નણંદને વાત કરતા તે ગણકારતી ન હતી.
સાસરિયાએ રૂચિતાને ઘરમાંથી કાઢી મુકી
સાસરિયાએ વંદનાને ઘરમાંથી કાઢી મુકતા તે પતિએ ભાડે રાખેલ અમદાવાદના મકાને આવી ગઈ હતી. જ્યાં સાસુએ પતિ સાથે આવી માથાકૂટ કરી હતી અને પતિએ રિવોલ્વરથી મારવાની ધમકી આપી હતી. અમદાવાદના મકાનનો સામાન પણ લઈ જઇ સાસરિયાએ રૂચિતાને ઘર ખાલી કરવા અને છૂટાછેડા આપી દેવા દબાણ કર્યું હતું. જે તમામ આક્ષેપો ને લઈ મહિલા પોલીસે તપાસ શરૂ કરી છે.
દોઢ વર્ષ ની ઓળખાણ અને 6 મહિનાનો લગ્ન જીવન હવે ભંગાણ ને આરે
દોઢ વર્ષ ની ઓળખાણ અને 6 મહિનાનો લગ્ન જીવન હવે ભંગાણ ને આરે આવી ને ઉભો છે. તેવામા પત્નિ ના ગંભીર આરોપો સાથેની ફરિયાદ થી PSI પતિની પર્સનલ અને પ્રોફેશનલ જીવન બન્ને પુરુ થવાના આરે આવીને ઉભુ છે. તેવામા મહિલા પોલીસે સમગ્ર આક્ષેપોને લઈને તપાસ શરૂ કરી.