કાર્યવાહી / વડોદરા દુષ્કર્મ કેસ: 500 CCTV ચેક કર્યા બાદ શંકમદ દેખાયા, પોલીસે ચાની લારી પર કામ કરતા શખ્સની કરી અટકાયત

• વડોદરામાં યુવતી સાથે દુષ્કર્મ બાદ આપઘાતના કેસનો મામલો
• અમદાવાદ ક્રાઇમ બ્રાંચે વધુ એક શંકાસ્પદની કરી અટકાયત-સૂત્ર
• ફતેહગંજ વિસ્તારમાં ચાની લારી પર કામ કરતા શખ્સોની અટકાયત

વડોદરામાં યુવતી સાથે દુષ્કર્મ બાદ આપઘાતના કેસની તપાસમાં એક બાદ એક ખુલાસા થઇ રહ્યા છે.  500 જેટલા સીસીટીવીની તપાસ તેમજ અન્ય પાસાઓને સાંકળી પોલીસ આરોપીઓ સુધી પહોંચવા કવાયત કરી રહી છે.ત્યારે સૂત્રો દ્વારા મળતી માહિતી મુજબ અમદાવાદ ક્રાઇમ બ્રાંચે વધુ એક શંકાસ્પદની કરી અટકાયત કરી છે. શહેરના ફતેહગંજ વિસ્તારમાં ચાની લારી પર કામ કરતા શખ્સની અટકાયત કરી પૂછપરછ આદરાઈ છે. CCTV ફૂટેજમાં શંકાસ્પદ હિલચાલને આધારે અટકાયત કરવામાં આવી હોવાનું પ્રાથમિક માહિતી મળી છે. મહત્વનું છે કે અત્યાર સુધી સમગ્ર કેસમાં 3 શંકાસ્પદોની અટકાયત કરવામાં આવી છે અગાઉ અમદાવાદ ક્રાઈમબ્રાંચે 2 શંકાસ્પદોને ઝડપ્યા હતા.

બંન્ને શખ્સો ગ્રાઉન્ડની દીવાલ કૂદી અને રોડ ક્રોસ કરી રહ્યા છે
વડોદરામાં સામૂહિક દુષ્કર્મ મામલે CCTV તપાસમાં ખુલાસો થયો છે. વડોદરા ક્રાઇમ બ્રાંચની CCTV તપાસમાં બે શખ્સ જોવા મળ્યા છે. વડોદરા ક્રાઈમ બ્રાન્ચે અનેક CCTVની તપાસ કરી. ત્યારે એક CCTVમાં 2 શખ્સો રોડ ક્રોસ કરી અમી સોસાયટી તરફ જતા જોવા મળ્યા હતા. બંન્ને શખ્સો ગ્રાઉન્ડની દીવાલ કૂદી અને રોડ ક્રોસ કરી રહ્યાં છે.

આ CCTV વેક્સિન ગ્રાઉન્ડના ઘટનાસ્થળની પાછળની બાજુના છે. ત્યારે સામૂહિક દુષ્કર્મ મામલે શંકાસ્પદ શખ્સોની પોલીસ શોધખોળ કરી રહી છે. બંન્ને શખ્સોએ દુષ્કર્મ આચર્યુ હોવાની આશંકાએ પોલીસે તપાસ હાથ ધરી છે.

અત્યાર સુધી આ કેસમાં શું ખુલાસા થયા?
વડોદરામાં કામ કરતી યુવતી સાથે દુષ્કર્મ અને આપઘાત કેસમાં વધુ એક કડી પોલીસને હાથ લાગી છે, વડોદરાની યુવતીનો પીછો કરતા યુવકને સુરતની ઝૂપડપટ્ટીમાંથી અમદાવાદ ક્રાઈમ બ્રાન્ચે ઉઠાવ્યો છે. પીડિતાએ પોતાની ડાયરીમાં કોઈ યુવક તેનો પીછો કરી રહ્યા હોવાનું મેસેજ કર્યો હતો.. જેને આધારે પોલીસે સીસીટીવીના આધારે પોલીસે બે શંકાસ્પદ શખ્સોને સુરતની ઝૂંપડપટ્ટીમાંથી ઝડપી પાડ્યો છે. નવસારીની વિદ્યાર્થિની પર વડોદરામાં ગેંગરેપ બાદ વલસાડમાં આપઘાતના કેસમાં પોલીસે બે શકમંદની અટકાયત કરી છે જેમાં બે શકમંદો પૈકી એક રિક્ષાચાલક પકડાયો છે, તે યુવતીનો મિત્ર હોવાનું જાણવા મળ્યું છે. જ્યારે બીજી વ્યક્તિ ઓએસિસ સંસ્થા સંકળાયેલી છે. બીજી તરફ, આજે પણ અમદાવાદ ક્રાઇમ બ્રાંચ અને વડોદરા ક્રાઇમ બ્રાન્ચે વેક્સિન ઇન્સ્ટિટ્યૂટ ગ્રાઉન્ડની મુલાકાત લઇને કેસની તપાસ કરી હતી.

ધારાસભ્યોએ શું કહ્યું?
વડોદરા પોલીસે આ ઘટનાને લઈને કોઈ કાર્યવાહી કરી ન હોવાનો આક્ષેપ કરાઈ રહ્યો છે...ત્યારે આ મામલે વડોદરાના માંજલપુરના ધારાસભ્ય યોગેશ પટેલ અને અકોટાના ધારાસભ્ય સીમા મોહિલે પોલીસ તપાસ કરી રહી હોવાનો રાગ આલાપ્યો હતો..અને ટૂંક જ સમયમાં ગુનાનો ભેદ ઉકેલાઈ જશે તેવી બાંહેધરી આપી હતી...સાથે જ અવાવરૂ મેદાનોમાં લાઈટીંગ કરીને સઘન સુરક્ષા વ્યવસ્થા કરવામાં આવશે તેવી બાંહેધરી અકોટાના ધારાસભ્ય સીમા મોહિલે આપી હતી