શહેરના સાંણદ સર્કલ પાસે આવેલ સિગ્નેચર-૨ કોમ્પ્લેક્સમાં ચાલતા બોગસ કોલ સેન્ટરનો પર્દાફાશ સરખેજ પોલીસે કરતાં નવ આરોપીઓની લેપટોપ તથા મોબાઈલ સાથે ઝડપી પાડ્યા છે.
શહેરમાં ગેરકાયદે કોલસેન્ટરનો રાફડો
મોડી રાતે પોલીસે દરોડા પાડીને રંગે હાથ ધરપકડ કરી
કુલ ૧.૯૫ લાખનો મુદ્દા માલ કબજે કર્યો
સરખેજ પોલીસ સ્ટેશનમાં પીએસઆઇ અને તેમની ટીમને બાતમી મળી હતી કે સાંણદ સર્કલ પાસે આવેલ સિગ્નેચર -૨ બિલ્ડિંગમાં ગેરકાયદે કોલ સેન્ટર ચલાવીને નાગરિકો સાથે લાખો રૂપિયાની ઠગાઇ કરવામાં આવી રહી છે. મોડી રાતે પોલીસે દરોડા પાડીને રંગે હાથ ધરપકડ કરી છે. પોલીસને બિલ્ડિંગમાંથી નાગરિકોનાં નામ-નંબરના ડેટા તેમજ લેપટોપ મોબાઈલ સહિત કુલ ૧.૯૫ લાખનો મુદ્દા માલ કબજે કર્યો છે.
શહેરમાં ગેરકાયદે કોલસેન્ટરનો રાફડો
નવ આરોપીઓ નાગરિકોને લોન આપવાનું તેમજ અલગ અલગ ગિફ્ટની સ્કીમ બતાવીને છેતરતા હતા. પોલીસે નવ આરોપીઓની મુદ્દામાલ સાથે ધરપકડ કરીને તેમના વિરુદ્ધમાં
ગુનો દાખલ કર્યો છે. ઉલ્લેખનીય છે કે શહેરમાં ગેરકાયદે કોલસેન્ટરનો રાફડો છે.
શહેરની કેટલીક જગ્યાએ નાનાં મોટાં કોલ સેન્ટરો ચાલી રહ્યાં છે
પોલીસે શહેરના શોપીગ સેન્ટર, મોલ અને હાઇરાઇઝ બિલ્ડિંગમાં મોટી સંખ્યામાં યુવકો અને યુવતીઓ નાગરિકો સાથે ઠગાઇ કરતા હોવાનું કોલ સેન્ટર ચલાવીને કોરોડો રૂપિયાની ધીકતી કમાણી કરવાનાં કૌભાંડનો પર્દાફાશ કર્યો છે તેમ છતાં શહેરની કેટલીક જગ્યાએ નાનાં મોટાં કોલ સેન્ટરો ચાલી રહ્યાં છે.