દારૂબંધી? / હેરાફેરીના 'બાબુરાવ'નું સપનું પુરૂ, ગુજરાતના આ ગામમાં દારૂની પાઈપલાઈન પકડાઈ

• સુરેન્દ્રનગરમાં દારુની નવી મોડઓપરેન્ડી 
• પાણીની જેમ દારુની પાઇપ લાઇન મળી  
• ચોટીલાના ડોસલીધુના ગામની સીમમાં દેશી દારૂની ભઠ્ઠી   

ગુજરાતમાં દારૂબંધી નામની જ છે. ગુજરાતના વિકાસની સાથે સાથે દારૂના નેટવર્ક અને મોડેસ ઓપરેન્ડીમાં પણ વિકાસ થઈ રહ્યો છે. સુરેન્દ્રનગરમાં પાણીની પાઈપલાઈન હોય તેવી દારૂની પાઈપલાઈ સામે આવી છે. બુટલેગરો પણ પોલીસથી એક કદમ આગળ ચાલી રહ્યા છે. સામાન્ય ટ્રાફિકમાં હજારોનો દંડ કરતુ તંત્ર આ દારૂની આખી મોડેસઓપરેન્ડ સામે કેમ આંખમીંચામણા કરે છે તેવા પણ પ્રશ્નો ઉઠી રહ્યા છે. 

ક્યાં પકડાઈ દારૂની પાઈપલાઈન
ચોટીલાના ડોસલીધઉના ગામની સીમમાં દેશી દારૂની ભઠ્ઠી મળી આવી છે. પોલીસે રેડ કરી દેશી દારૂની ભઠ્ઠી ઝડપી પાડી છે. પોલીસે દારૂ સહિત 80 હજારનો મુદ્દામાલ જપ્ત કર્યો છે. 

આરોપીઓ ફરાર
પોલીસ રેડમાં આરોપીઓ ફરાર થઈ ગયા છે. સામાન્ય માણસને ટેક્ષ ચોરી કે, ટ્રાફિક રૂલ્સના નિયમ બદલ પણ મેમો ફટકારતુ તંત્ર આવા આરોપીઓ અને પકડવામાં કેમ નિષ્ફળ નીવડી રહી છે. દારૂબંધીનો કાયદો માત્ર કાગળ પર જ છે.
 
દારૂની પાઈપલાઈન પકડાતા પ્રશ્નો ઉઠી રહ્યા છે
કેટલા સમયથી ચાલી રહી છે દારૂની ભઠ્ઠીઓ? દારૂની ભઠ્ઠીઓ હટાવવામાં પોલીસ કેમ નિષ્ફળ? દારૂબંધીનો કાયદો માત્ર કાગળ પર જ છે? દેશી દારૂ બનાવતા લોકો સામે ક્યારે થશે કાર્યવાહી? શું પોલીસને આ ભઠ્ઠીઓ વિશે પહેલા જાણ ન હતી? ધમધમી રહેલી ભઠ્ઠીઓ પર રોક ક્યારે લાગશે? શું પોલીસ લઠ્ઠાકાંડની રાહ જોઈ રહી છે? શું પોલીસ બુટલેગરોને સપોર્ટ કરે છે?