મારી દિકરીનાં શરીર પર ચામડી નથી. હાથ-પગ પણ નથી...પીડિતાની માતાએ કહ્યું કે હું ફાંસીની માંગ કરૂં છું જેથી મારી દિકરીને ન્યાય મળે.
સુલતાનપુરી છોકરીની મોત અંગે માતાનું નિવેદન
રડતાં-રડતાં માતાએ માંગ્યો ન્યાય
કહ્યું કે મારી દિકરીનાં શરીર પર ચામડી નથી
રાજધાની દિલ્હીમાં નવા વર્ષની ઊજવણીની વચ્ચે હદય કંપાવી દે તેવી ઘટના સામે આવી છે. એક સ્કૂટી પર સવાર છોકરીનું દર્દનાક મૃત્યુ નોંધાયું છે. દિલ્હીના સુલતાનપુરી એરિયામાં ગઈકાલે હીટ એન્ડ રનનાં કેસના 5 આરોપીઓને કોર્ટે પોલીસ કસ્ટડીમાં મોકલી દીધા છે. આ મામલે માતાએ કહ્યું કે પોલીસે મને કહ્યું છે કે જો પોસ્ટમોર્ટમમાં આવ્યું તો તેઓ રેપ કેસ લગાવશે.
Kanjhawala death case | Police have said that if rape is proven in post-mortem report, then rape charges will be invoked against the accused. There was no skin, arms & legs left on her body. I appeal for justice for my daughter: Victim's mother pic.twitter.com/bM2a0KetR2
પોલીસે રેપ કેસ અંગે સ્પષ્ટતા કરી
પોલીસે કહ્યું કે પોસ્ટમોર્ટમ રિપોર્ટમાં જો રેપ સાબિત થાય છે તો આરોપીની સામે રેપની કલમો લગાવવામાં આવશે. હાલમાં તમામ આરોપીઓ પોલીસની કસ્ટડીમાં છે. મૃતકની માતાએ કહ્યું કે હું ફાંસીની માંગ કરૂં છું જેથી મારી દિકરીને ન્યાય મળે. મારી દિકરીનાં શરીર પર ચામડી નથી. હાથ-પગ પણ નથી. તેનાં શરીરનું માંસ છોલાઇ ગયું છે. તેમણે ન્યાયની પુકાર કરતાં કહ્યું કે અમે અત્યંત ગરીબ છીએ, તે જ કમાતી હતી. અમને ન્યાય જોઇએ છે.
હવે ઘરમાં કોઇ કમાવનાર નથી- માતા
આ મામલા વિશે પીડિતાની માતાની સ્થિતિ ઘણી ખરાબ છે. આ ઘટના બાદ સમગ્ર પરિવાર રસ્તા પર આવી ગયેલ છે. માતાનું કહેવું છે કે હવે ઘરમાં કોઇ કમાવનાર નથી. જ્યાં મૃતકનાં પિતા સતબીરનું તો પહેલા જ મોત થઇ ગયું છે. હવે પીડિતાની કમાણીથી બીમાર માતા, એક બહેન અને ત્રણ ભાઇઓનું ભરણ પોષણ થતું હતું. પીડિતાની માતાએ કહ્યું કે તેમની બંને કિડનીઓ પહેલાથી જ ખરાબ છે.
શું હતો આખો મામલો?
પોલીસને 31 ડિસેમ્બર અને 1 જાન્યુઆરીની મધ્યરાત્રિએ દિલ્હીના સુલતાનપુરી વિસ્તારમાં કાંઝાવાલા રોડ પર માર્ગ અકસ્માતની માહિતી મળી હતી. ફોન કરનારે જણાવ્યું હતું કે, કણઝાવાલા રોડ પર એક યુવતીની લાશ પડી હતી. કેટલાક પ્રત્યક્ષદર્શીઓએ સ્કૂટી પર સવાર યુવતીને કારમાંથી ખેંચીને લઈ જતા પણ જોઈ હતી. આ કેસમાં પોલીસે ગણતરીના કલાકોમાં જ આરોપીની ધરપકડ કરી લીધી હતી.