Saturday, August 24, 2019
સબસ્ક્રાઈબ કરો VTVGujarati ન્યુઝ Whatsapp

નિર્ણય / UPમાં યોગીનો ઔતિહાસિક નિર્ણય રસ્તા પર નમાઝ અને પૂજા પર પ્રતિબંધ

 UPમાં યોગીનો ઔતિહાસિક નિર્ણય રસ્તા પર નમાઝ અને પૂજા પર પ્રતિબંધ

મેરઠ અને અલીગઢમાં રોડ પર નમાઝ પર રોક પર મળેલી સફળતા બાદ હવે આ મોડલને પૂરા ઉતર પ્રદેશમાં લાગુ કરવામાં આવી રહ્યું છે. ડીજીપી ઓમ પ્રકાશ સિંહે જણાવ્યું કે હવે આવા કોઇ ધાર્મિક કાર્યક્રમના આયોજનને મંજૂરી મળશે નહીં.

જેના કારણે પ્રજાને મુશ્કેલીનો સામનો કરવો પડે. જો કે હવે રસ્તા પર નમાઝને રોકવામાં આવતાં કેટલીક જગ્યાઓ પર વિરોધ કરવામાં આવ્યો પરંતુ પ્રશાસનને કડક વલણ સાથે લાગુ કર્યો. આમ ઉત્તર પ્રદેશની યોગી આદિત્યનાથની સરકાર હવે રસ્તા પર નમાઝ કે ધાર્મિક કાર્યક્રમ પર  પ્રતિબંધ લગાવા જઇ રહી છે.

હાલ અલીગઢ અને મેરઠમાં રસ્તા પર નમાઝ પર રોક લગાવામાં આવી હતી. જો કે  હવે રોડ પર પૂજા અર્ચના પર પણ  પ્રતિબંધ લગાવામાં આવશે. જો કે ઉત્તર પ્રદેશમાં હિન્દુ સંગઠન દ્વારા રોડ પર નમાઝ પર વિરોધ કરી રહ્યાં છે.
 


સંગઠનો દ્વારા જણાવવામાં આવ્યું કે રોડ પર નમાઝના કારણે લોકોને પરેશાની ઉભી થાય છે. અલીગઢમાં જિલા પ્રશાસને કડક થઇને રોડ પર નમાઝ પર પ્રતિબંધ લગાદી દીધો હતો. જેના કારણે મંગળવારે અને શનિવાર કરવામાં આવેલી આરતી પણ બંધ થઇ ગઇ હતી.

ઇદ દરમિયાન મેરઠ અને અલીગઢમાં રોડ પર નમાઝ પર રોક રહેતા મુસ્લિમ સમાજ દ્વારા મસ્જિદ અને ઇદગાહમાં ઇદની નમાઝ અદા કરવામાં આવી. આ સાથે ઊંટ જેવા પશુ પર કુર્બાની પર પણ રોક લગાવામાં આવી. જ્યારે મુસ્લિમ સમાજમાં આ પહેલનું સ્વાગત કરવામાં આવ્યું.

જો કે સરકારે જણાવ્યું કે આ કોઇ સમુદાય પર વિશેષ કરીને લાગુ નહી કરવામાં આવ્યું  પરંતું રોડ પર યોજાતાં દરેક ધાર્મિક આયોજન પર રોક લગાવામાં આવી છે અને ખાસ પ્રસંગોમાં પ્રશાસન દ્વારા સ્વીકૃતિ બાદ મંજૂરી આપવામાં આવશે.

ઉલ્લેખનીય છે કે ઉત્તર પ્રદેશમાં રોડ પર નમાઝના વિરોધમાં રોડ પર હનુમાન ચાલીસા અને આરતી જેવા કાર્યક્રમની શરૂઆત કરવામાં આવતા સમાજમાં ઘણો તણાવ વધી ગયો હતો. 

જોવા જેવું વધુ જુઓ

બ્રેકિંગ ન્યૂઝ