બિહારની કોર્ટમાં 2 પોલીસ કર્મીઓ દ્વારા જજ પર જીવલેણ હુમલો કરવામાં આવ્યો છે. જેના કારણે આ મુદ્દો હવે ચર્ચાનું કેન્દ્ર બન્યો છે. સાથેજ કાયદો વ્યવસ્થાની સ્થિતી સામે સવાલો ઉઠ્યા છે.
બિહારની કોર્ટમાં જજ ઉપર કરાયો જીવલેણ હુમલો
2 પોલીસકર્મીઓએ આપ્યો હુમલાને અંજામ
હુમલો કરીને જજના માથે પોલીસે બંદૂક તાણી
બિહારમાં આવેલ કોર્ટમાં પોલીસકર્મીઓ દ્વારાજ જજ પર હુમલો કરવામાં આવ્યો છે. જેના કારણે કાયદો વ્યવસ્થાની સ્થિતી સામે સવાલો ઉભા થઈ રહ્યા છે. આ બનાવ બન્યો છે મધુબની જિલ્લાના ઝંઝારપુરમાં આવેલ કોર્ટમાં જ્યાજજ પર બે પોલીસ કર્મચારી દ્વારા હુમલો કરવામાં આવ્યો છે.
પોલીસે કર્યો જજ પર જીવલેણ હુમલો
પોલીસકર્મીઓએ જજ પર જીવલેણ હુમલો કરીને તેના પર બંદૂક પણ તાણી હતી. પ્રાપ્ત થતી માહિતી પ્રમાણે બે પોલીસ કર્મીઓની કોર્ટ રૂમમાં જજ સાથે બોલાચાલી થઈ હતી. જોકે આ બોલાચાલી ઉગ્ર બની ગઈ અને ઝપાઝપી થઈ હતી. જેમા પોલીસ કર્મીઓએ જજ પર જીવલેણ હુમલો કરી નાખ્યો.
કોર્ટમાં હાજર થયા બાદ કર્યો જીવલેણ હુમલો
જે જજ પર હુમલો થયો છે તેઓ પહેલા પણ તેમના નિર્ણયને લઈને ચર્ચામાં રહી ચુક્યા છે. અગાઉ તેમણે એક કેસનો ચુકાદો આપતા પહેલા પોલીસ પર ટીપ્પણી કરી હતી. બંને પોલીસકર્મી જેમણે હુમલો કર્યો છે. તેમને કોઈ કેસને લઈને કોર્ટમાં હાજર થવાનું હતું. પરંતુ કોર્ટમાં હાજર થયા બાદ તેમણે જજ પર હુમલો કરી દીધો.
સમગ્ર મામલે ન્યાયિક તપાસની માગ કરવામાં આવી
ઉલ્લેખનીય છે કોર્ટરૂમમાં જજ પર જીવલેણ હુમલાની આ ઘટના ઘણી નિંદનીય છે. સાથેજ આ હુમલો પોલીસકર્મી દ્વારા કરવામાં આવ્યો જેના કારણે આ મુદ્દો ચર્ચાનું કેન્દ્ર બન્યો છે. જેથી આ સમગ્ર મામલે એસોશિએશનના માણસોએ યોગ્ય તપાસની માગ કરી છે. સાથેજ એવું પણ કહ્યું છે કે જો યોગ્ય તપાસ ન થઈ તો તેઓ આંદોલન કરશે.