આયેશાને વીડિયો બનાવવા માટે કહ્યું હતું. જવાબમાં આરીફ રડવા લાગ્યો હતો. અને વીડિયો બનાવવાનું કહ્યું હોવાની વાત સ્વિકારી હતી.
આયેશા આત્મહત્યા કેસમાં વધુ આરીફના ખુલાસા
વીડિયો બનાવવા માટે ખુદ પતિ આરીફે કહ્યું હતું
પ્રેમિકા પાછળ વાપરતો હતો આયેશાના પિતા પાસેથી લીધેલા પૈસા
અમદાવાદની યુવતી આયેશાના આપઘાત બાદ તેના પતિ આરીફની રાજેસ્થાન પાલી ખાતેથી પોલીસે ધરપકડ કરી છે. આ બાદ કોર્ટમાંથી ત્રણ દિવસના રિમાન્ડ પણ મંજૂર થયા છે. પૂછપરછ દરમિયાન આયેશા સાથે આરીફના સંબંધ અને અત્યાચારની ચોંકાવનારી માહિતી સામે આવી રહી છે. અત્યાર સુધીમાં આરીફ ખાનના પિતાની સંપત્તિ વિશે ખુલાસો થયો છે.
તો બીજી તરફ પોલીસની પૂછપરછમાં એક નવી માહિતી સામે આવી છે. પોલીસે પૂછ્યું કે,આયેશાને વીડિયો બનાવવા માટે કહ્યું હતું. જવાબમાં આરીફ રડવા લાગ્યો હતો. અને વીડિયો બનાવવાનું કહ્યું હોવાની વાત સ્વિકારી હતી. સાથે તે આયેશા અને પોતાના બાળકને ઉછેરવા માગતો હોવાનું કહી રહ્યો છે.
આરીફનું વધુ એક હતું અફેયર
ઉલ્લેખનીય છે કે, આયશા સાથે આરિફે લગ્ન જરૂર કર્યા હતા પરંતુ તેને રાજસ્થાનની એક યુવતી સાથે અફેયર હતું. તે આયશાની સામે જ પોતાની ગર્લફ્રન્ડને વીડિયો કોલ કરીને વાત કરતો હતો. આરિફ પૈસા જે દહેજના નામ પર આયશાના પરિવાર પાસેથી જે પૈસા લીધા હતા તે પોતાની આ પ્રેમિકા પાછળ વાપરતો હતો. આ કારણે જ આયશા ડિપ્રેશનમાં રહેતી હતી. વધુ તે હદ ત્યારે થઇ જ્યારે તેની જીંદગીની આશા તૂટી ગઈ જ્યારે તેના પેટમાં જ બાળકનું મોત થયું.
ફોન મામલે ગોળ-ગોળ
આરીફના ફોન મામલે પણ પોલીસ તપાસ કરી રહી હતી. પોલીસ તપાસમાં આરીફ સપોર્ટ કરતો નહોતો. અનેક વખત પોલીસને ગોળ-ગોળ ફેરવતો પણ હતો. તો પોલીસને એવું પણ કહ્યું હતું કે, ફોન તેણે ફેંકી દીધો હતો. પરંતુ જ્યારે હકિકત એવી હતી. આરીફે મિત્રના ઘરે ફોન છૂપાવ્યો હતો. પોલીસની સખત પૂછપરછમાં સ્વિકાર્યું કે, તેના મિત્ર પાસે ફોન હતો. જ્યાંથી પોલીસે ફોન રિકવર કર્યો હતો. તો ફોનના ડેટા પણ ડિલિટ થઈગયા છે. જેને રિકવર કરવાની તજવીજ ચાલે છે.
આરિફના પરિવારજનોને નથી કોઇ અફસોસ
આપને જણાવી દઇએ કે, માત્ર આરિફને જ નહીં પરંતુ તેના પરિવારજનોને પણ પુત્રવધૂ આયેશાના મોત અંગે કોઈ જ અફસોસ નથી.
પોલીસ તપાસમાં આરીફે કબૂલાત કરી
આયેશાને પતિ આરીફે જ આત્મહત્યા માટે દુષ્પ્રેરી હતી એટલું જ નહીં પણ આત્મહત્યા પહેલા વીડિયો બનાવવા કહ્યું હતું. આરીફ આયેશા સાથે મારઝુડ કરતો હતો એટલું જ નહીં પરંતુ લગ્ન બાદથી જ એણે આયેશા સાથે ઘરેલુ હિંસા શરૂ કરી દીધી હતી. પોલીસ તપાસમાં આરીફે કબૂલાત કરી છે. અમદાવાદની આયેશાના આત્મહત્યા કેસમાં તેનો પતિ હાલ રિમાન્ડ પર છે. પોલીસ રિમાન્ડ દરમિયાન અનેક નવી માહિતીઓ સામે આવી રહી છે. પતિ આરીફ આયેશા સાથે મારઝૂડ કરતો હોવાની કબૂલાત કરી છે.