દારુ પાર્ટી / કોંગ્રેસના પુર્વ ધારાસભ્ય સહિત મોટા માથાઓ 'ઝૂમ બરાબર ઝૂમ', રાત ભર 'જામથી જામ ટકરાય' તે પહેલા પહોંચી પોલીસ

• કોંગી નેતાઓની દારૂની મહેફિલ ઝડપાઈ 
• મહેમદાબાદ પોલીસની છાપેમારી,રંગમાં ભંગ 
• પૂર્વ ધારાસભ્ય સહીત 6 કથિત પીધેલી હાલતમાં 

ખેડાના મહેમદાવાદમાં ગુજરાતની દારુબંદીના ધજાગરા ઉડાવતા કેટલાક નેતાઓની સજી-સજાવેલી મહેફિલ પર પોલીસે અચાનક જ દરોડો પાડતા મહેફિલના રંગ તો વિખરાઈ ગયા પરંતુ પોલીસના હાથે કોન્ગ્રેસના પૂર્વ ધારાસભ્ય સહિતના કેટલાક મોટા માથાઓ 'ઝૂમ બરાબર ઝૂમ'ની અદામાં ઝડપાઈ ગયા હતા. કહેવાય છે કે, પોલીસની આ કાર્યવાહી દરમિયાન આણંદ , વડોદરા અને ગાંધીનગર સુધી મોબાઈલ રણકી ઉઠ્યા હતા. 

ખેડા જીલ્લાના મહેમદાવાદમાં ભતીયાગામ નજીક એક મોટી દારુ પાર્ટી ચાલી રહી હોવાની માહિતીએ પોલીસે વિસ્તારનું પગેરું દબાવ્યું હતું. આ દારુ પાર્ટીમાં કોંગ્રેસ નેતા ગૌતમ ચૌહાણ, ઉપરાંત મોટા માથાઓ મહેફિલ  મહેફિલ માણી રહ્યા હતા. પોલીસે આ ઘટનામાં 6 લોકોની અટકાયત કરી છે. શરાબના કથિત નશામાં લવાયેલા તમામ આગેવાનોને ખેડા ટાઉન પોલીસ મથકે લાવવામાં આવ્યા બાદ, આગળની કાર્યવાહી હાથ ધરાઈ છે.