રાજકોટના ગોંડલ રોડ અટીકા વિસ્તારમાં 2 દિવસ પહેલા હિટ એન્ડ રનની ઘટના સામે આવી હતી. આ મમાલે ભક્તિનગર પોલીસે આરોપી કેવલપરી ગોસ્વામી નામના ટ્રક ચાલકની ધરપકડ કરી છે.
મળતી માહિતી મુજબ મંગળવારે સવારે ટ્રક રિવર્સ લેવા સમયે અકસ્માત થયો હતો. ટ્રક પાછળ સુતેલા પર પ્રાંતીય યુવક પર ટ્રક ચડી જતા મોત નિપજ્યુ હતુ. આ ઘટનાને છુપાવવા માટે ટ્રક ચાલકે મૃતદેહને દૂર ફેક્યો હતો.
આ મામલે પોલીસે તપાસ કરતા ટ્રક ચાલક ફરાર થયો હોવાનુ સામે આવ્યુ. ભક્તિનગર પોલીસે કાર્યવાહી કરીને આરોપી કેવલપરી ગૌસ્વામી નામના ટ્રક ચાલકની ધરપકડ કરીને આગળની કાર્યવાહી હાથધરી છે.
ઉલ્લેખનીય છે કે ગોંડલ રોડ પર શહેરની અટિકા ઇન્ડસ્ટ્રીય એરિયામાં યુવાનનો મૃતદેહ મળતાં લોકોની ભીડ એકઠી જોવા મળી હતી ત્યારબાદ પોલીસને જાણ કરવામાં આવી હતી.
જો કે યુવાનના મૃતદેહને જોતા પ્રાથમિક અહેવાલ મુજબ કોઇ કારનું ટાયર નીચે આવી જતા મોત થયું હોવાનું માનવામાં આવી રહ્યું હતું. જો કે પોલીસ આ સમગ્ર મામલે એફએસએલની મદદ લીધી હતી. જો કે મૃતદેહ નજીક કારના વ્હીલના નિશાન પણ મળી આવ્યા હતા.
આમ પોલીસે હિટ એન્ડ રનની ઘટના જોતા કાર્યવાહી કરતા ટ્રક રિવર્સ લેવા સમયે આ અકસ્માત સર્જાયો હતો. જેમાં ટ્રકની પાછળ સુઇ રહેલા પર પ્રાંતીય યુવક પર ટ્રક ફરી વળતાં મોત નિપજ્યું હતું.
આમ ભક્તિનગર પોલીસે કાર્યવાહી કરતાં આરોપી કેવલપરી ગોસ્વામીના નામના ટ્રક ચાલકની ધરપકડ કરી છે.