કચ્છમાં RR સેલનો સપાટો લાખોની કિંમતનો દારૂ ઝડપી પાડ્યો

કચ્છ: રાજ્યમાં દારૂબંધી હોવા છતાં બુટલેગરો દારૂની હેરાફેરી કરે છે. ત્યારે હવે કચ્છની બોર્ડર પાસે અંજાર મુદ્રા હાઈવે પાસેથી RR સેલની ટીમે ટ્રકમાંથી દારૂનો જથ્થો ઝડપી પાડયો છે. પોલીસે 54 લાખની કિંમતનો વિદેશી દારૂનો જથ્થો ઝડપી પાડયો છે.

હરિયાણા પાસિંગની ગાડીમાં શંકા થતા પોલીસ કર્મીઓએ તપાસ કરી હતી. ત્યારે પોલીસને દારૂનો જથ્થો મળી આવ્યો હતો. આ ટ્રકની સાથે પોલીસે 2 આરોપીઓની પણ ધરપકડ પણ કરી છે. પોલીસે કુલ 75 લાખનો મુદ્દામાલ કબ્જે કરીને આગળની કાર્યવાહી શરૂ કરી છે.

ઉલ્લેખનીય છે કે પોલીસે ઝડપી પાડેલ આ દારૂના જથ્થા સાથે પોલીસે કુલ 75 લાખ 3 હજારનો મુદ્દામાલ કબ્જે કરી અંજાર પોલીસ મથકમાં લાવવામાં આવ્યો હતો અને આરોપીઓની પ્રાથમિક પૂછપરછ હાથ ધરી હતી. જો કે આ દારૂનો જથ્થો ક્યાંથી લાવવામાં આવ્યો અને કોના માટે લાવવામાં આવેલ તે આગામી સમયમાં થનાર પૂછપરછમાં જાણવા મળશે.