કૌભાંડ / વડોદરામાં નકલી ડોક્ટર ઝડપાયો, કોની રહેમ નજર હેઠળ ફૂલેફાલે છે નકલી ડોક્ટરોનો ધંધો?

• રાવપુરા પોલીસે નકલી ડોક્ટરની કરી ધરપકડ
• ઇનમુદ્દીન શેખની સુરતના કામરેજથી કરી ધરપક઼ડ
• કોની રહેમનજર હેઠળ ફૂલેફાલે છે નકલી ડોક્ટર

વડોદરામાં રાવપુરામાં એક નકલી ડોક્ટરનું કૌભાંડ બહાર આવ્યું છે. નકલી ડોક્ટર ઇનમુદ્દીન શેખે સારવારના બહાને એક મહિલા દર્દી પાસેથી  85000 રૂપિયા પડાવ્યાં હતા. 

પોલીસે કરી ધરપકડ

નકલી ડોક્ટરનો ભાંડો ફૂટતાં પોલીસે સુરતના કામરેજથી કહેવાતા ડોક્ટર બની બેઠેલા ઇનમુદ્દીન શેખની ધરપકડ કરી છે. પોલીસે નકલી ડોક્ટર પાસેથી કુલ 2 લાખ 46 હજારનો મુદ્દામાલ કબ્જે કર્યો છે.

શું હતી ઘટના?

મહિલાને સારવાર બહાને 85000ની  છેતરપિંડી આચારી હતી જ્યારે અન્ય દર્દીઓ પાસેથી લીધેલા નાણા અને મુદ્દામાલ પણ મળી આવ્યો છે. કુલ 2 લાખ 46 હજારનો મુદ્દામાલ કબ્જે કર્યો છે. 

કોની રહેમનજર હેઠળ ફૂલેફાલે છે નકલી ડોક્ટર

ખરેખર પ્રશ્ન થાય કે સામાન્ય લાયસન્સ ન હોય કે હેલમેટ ન હોય તો દંડ ફટકારતી અને ઈ મેમો મોકલતી સરકાર નકલી ડોક્ટર કે અન્ય હોદ્દેદારોને કેમ નહીં ઓળખી શકતી હોય? શું સરકારી આગેવાનોની રહેમનજર હેઠળ આવા ડોક્ટર ફુલેફાલે છે?